addresiya
startimes

NYAMIRAMBO:Abakobwa 2 babana bahuje ibitsina barwaniye mu kabari rubura gica bapfa ubutumwa bugufi bwatumye umwe afuha

Amakuru   Yanditswe na: Martin Munezero 23 April 2019 Yasuwe: 5820

Mu Rwanda byatangiye kubona abantu bahuje ibitsina bemeza ko babana ari ikintu gikomeye gifatwa nk’amahano ariko kugeza magingo aya bisa nkaho byatangiye kuba ibintu bisanzwe uhereye ku ngero zitandukanye twagiye tubona ndetse no mu nkuru zitandukanye twagiye tubagezaho.



Abakobwa babiri bo mu Murenge wa Rwezamenyo mu Karere ka Nyarugenge, bivugwa ko babana bahuje ibitsina (lesbians), barwanye bapfa ko hari umwe muri bo waciye inyuma mugenzi we.

Ahagana saa mbiri n’igice z’ijoro ryo ku Cyumweru tariki ya 21 Mata 2019, ubwo bari bavuye mu kabari kari hafi y’ahitwa kuri Cosmos, nibwo barwanye.

Abari muri ako kabari bavuga ko intandaro yo kurwana kw’aba bakobwa babiri ari ubutumwa bugufi ufatwa nk’umugabo yabonye muri telefone ya mugenzi we bw’uwamwandikiye amubwira ko amukunda.

Ibi byatumye afuha atangira kumubaza imyirondoro y’uwamwandikiye, undi yanze kuyimubwira bahita bafatana mu mashati bararwana ndetse banaterana amacupa.

Umusore ucuruza udukingirizo hanze y’utubyiniro dutandukanye mu masaha y’ijoro, Byiringiro Olivier, yabwiye itangazamakuru ko aba bakobwa bakimara kubona ko abantu benshi bahuruye bahise batega moto bahunga kugira ngo abanyerondo batabata muri yombi.

Yagize ati “Byatangiye nyine umukobwa w’umugabo ari kubaza mugenzi we amazina y’uwamwandikiye ko amukunda n’aho aherereye, undi akamubwira ko nawe atamuzi nibwo yamusabye ko amuhamagara yanze amukubita urushyi ku matama barafatana bararwana.”

Yakomeje agira ati “Abantu bakibakiza bahise batangira no guterana amacupa noneho bumvise ko umwe mu bari barimo kunywera muri ako kabari ahamagaye imodoka y’irondo nibwo bahise biruka batega moto baragenda.”

Yongeyeho ko n’ubwo butumwa bapfaga uwari wabwohereje nawe ari umukobwa mugenzi wabo.

Imodoka y’abanyerondo yaraje irababura ihita igenda na nyir’akabari asigare yimyiza imoso nyuma y’uko bagiye batamwishyuye ibyo bari banyweye n’amacupa bamennye.

Twagerageje kuvugisha nyiri akabari ku byahabereye avuga ko ntacyo yatangaza kuko adashaka ko akabari ke kavugwaho inkuru nk’izi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Moto zitubahirije amabwiriza yo kurwanya Coronavurus zatangiye gupakirwa no...

Mu gitondo cyo kuri uyu wa Gatatu, tariki ya 3 Kamena 2020, ni bwo umunsi...
4 June 2020 Yasuwe: 1876 0

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6893 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2166 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 882 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 21027 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1050 0