addresiya
startimes

Nyarugenge: Gaze yatwitse inzu yose irakongoka inakomeretsa bikomeye umukobwa wari uyitetseho

Amakuru   Yanditswe na: Dusingizimana Remy 27 August 2019 Yasuwe: 11896

Umukobwa wo mu kagari ka Rugenge mu murenge wa Muhima mu mujyi wa Kigali yaturikanwe na Gaze ahita ajyanwa igitaraganya kwa muganga ubwo yari atetseku gicamunsi cyo kuri uyu wa Kabiri taliki ya 27 Kanama 2019.



Uyu mukobwa wabaga mu rugo rwa Kalimba Johnson yakomerekejwe bikomeye n’iyi gaze yamuturikanye atetse saa tanu z’amanywa ku bw’amahirwe abaturanye baramutabara,bamuvana muri iyi nzu yarimo yahiye yose igakongoka.

Kalimba Johnson yabwiye Radio Flash dukesha iyi nkuru ati “Nagiye kumva numva ikintu kiraturitse nsohotse nsanga ari gas ituritse umwana aza yahiye wese tugerageza uko tumufasha ngo tumujyane kwa muganga, tubona ubushobozi bwa Polisi nibwo bubaye hafi bamujyana kwa muganga. Twizeye ko ari bukire, ibyangiritse ni byinshi inzu yose irahiye iyo babagamo irashize nta kintu bavanyemo na kimwe, twatinye kujyamo gusa inzu nini yo nta kintu yabaye.”

Ubwo iyi gaze yari imaze guturika,mu kagari ka Rugenge hagaragaye umwotsi mwinshi cyane, w’iyi nzu yagurumanaga bituma polisi ishinzwe kuzimya inkongi y’umuriro itabara nubwo nta kintu cyarokotse.

Abaturage babonye biba bafashe ingamba zo gukoresha gaz neza birinda impanuka n’ubwo ku rundi ruhande hari abagaragaza ko bafite impungenge zo kuzongera kuzikoresha.

Umwe yagize ati “Nyine ngo yari atetse ari imbere ya gaz kumwe umuntu ayikoresha arangije ngo arafungura biraturika, ubwo rero ibintu uzafungura bikaguturikana tuzajya dukoresha ibyo tudafungura bya gikene bidaturika.”

Undi yagize ati “Ubu igitekerezo cyo kugura gaz ntabwo nkiteze kuyigura rwose.”
Umunyamabanga Nshingwabikorwa w’Umurenge wa Muhima Mukandori Grace asaba abaturage gukoresha uburyo bwa gaz butateza impanuka.

Yagize ati “Icyo nabwira abaturage icya mbere ni ubwirinzi bw’ibi bikoresho bya gaz, ababishoboye bafite inzu zo hanze bayikura mu nzu bakayishyira hanze batekera ariko bataharara. Ikindi hari udukoresho twabugenewe tubasha kukwereka ko gaz yagize ikibazo kuko gahita gasakuza ukamenya ko yagize ikibazo ukaba wanahunga, nashishikariza abaturage kugura utwo dukoresha bikabafasha kwirinda impanuka ya gaz mu gihe yabayeho.”

Uwatwitswe n’iyi gaz yahise ajyanwa ku bitaro bya Muhima, ngo ubuzima bwe bwitabweho.

Impanuka za Gaze zikomeje kwangiza ubuzima bwa benshi cyane ko mu mezi make ashize indi gaze yaturikanye umugore wo mu Murenge wa Gisozi mu Karere ka Gasabo,inzu ye irakongoka.


Inkuru ya Flash.rw

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    Abazi ubwenge bashatse Gaz bayireka kuko kuyikoresha bifite ingaruka ziremereye mu gihe ituritse.

    Ntabwo mu Rwanda turagera aho ubonetse wese atekesha Gaz.

    Nihabanze higwe uburyo bwa "security usage" mbere yo gushishikariza abantu gutekesha Gaz.

    August 2019

Inzindi nkuru

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6714 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2135 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 833 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20931 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1043 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1929 0