Nyarugenge: Imodoka ya Coaster yabuze Feri igonga imodoka nyinshi zari imbere yayo [AMAFOTO]

Amakuru   Yanditswe na: Dusingizimana Remy 24 June 2019 Yasuwe: 5429

Imodoka yo mu bwoko bwa Coaster ya kompanyi itwara abagenzi ya RFTC,yabuze feri ita umuhanda igenda igonga amatara yo ku mihanda 3,imodoka na moto imwe, byari imbere yayo ku rundi ruhande,gusa nta muntu wahasize ubuzima uretse umugenzi wari kuri moto wakomeretse.

Ababonye iyi mpanuka batangarije Umuseke dukesha iyi nkuru ko iriya modoka yagonze imodoka zigera muri eshata na moto yari itwaye umugenzi, ubwo yaburaga feri igeze kuri Kiliziya ya St Famille ikimara gukata rond point igana mu nzira z’i Remera ivuye mu Mujyi.

Kayitani wari utwaye iriya modoka akimara kubura feri mu masaha ya saa tatu za mu gitondo cyo kuri uyu wa mbere, yagerageje guhunga izindi modoka zari imbere ye, abagenzi bamwe bashaka gusimbuka imodoka igenda kubera ubwoba, ariko ku bw’amahirwe yaje kuva mu mukono we agonga poto y’amashanyarazi n’imodoka zigera muri eshatu zazamukaga zijya Mujyi, imodoka irahagarara.

Ikinyamakuru Umuseke cyaganiriye na bamwe mu babonye iyi mpanuka bavuga ko uwari utwaye imodoka ntako atagize ngo arokore ubuzima bw’abo yari atwaye.

Eugene Ruzinda ufite imodoka yagonzwe, yavuze ko umuvuduko wa Coaster wiyongereye, umushoferi ashaka guhunga imodoka zimuri imbere, agonga amapoto y’amashanyarazi na yo agwa ku zindi modoka bituma zigongana.

Yagize ati “Amapoto yaguye ku modoka twese tugenda tugongana uko dukurikirana, kugira ngo ibibazo bibe bike ni uko imodoka zacu zazamukaga.”

Nyuma imodoka yakomeje kugenda igonga amapoto irahagarara igeze hepfo ahazwi nko kuri Payage.

Uyu wagonzwe avuga ko bakwiye kwishyurwa hakurikijwe amasezerano bafitanye na sosiyete z’ubwishingizi n’ibiri buve muri raporo ya Police.





Source: Umuseke

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Mico

    Imana ishimwe ubwo ntawahasize ubuzima,naho ibyangiritse byo insurances zizishyura.

    2 months ago

Inzindi nkuru

Reba amazina nyayo y’uduce tw’i Kigali twamamariye ku mazina y’abantu[AMAFOTO]

Hari uduce twamenyekanye cyane ku mazina y’abantu bahatuye ndetse...
21 September 2019 Yasuwe: 3241 4

RIB yataye muri yombi abahoze ari abayobozi umunani b’ibigo bikomeye mu...

Mu gitondo cyo kuri uyu wa Gatandatu,taliki ya 21 Nzeri 2019, Urwego...
21 September 2019 Yasuwe: 3379 1

Abasirikare bane barindaga Lt Gen Mudacumura beretswe itangazamakuru I...

Abasirikare bane barindaga umuyobozi mukuru wa FDLR,Lt.Gen.Mudacumura...
21 September 2019 Yasuwe: 6781 1

Rulindo:Abagabo bambitswe amakanzu kubera umwanda baciye ibintu...

Abaturage bo mu Murenge wa Base mu Karere ka Rulindo, bafatiwe ibyemezo aho...
21 September 2019 Yasuwe: 4006 0

Abagore n’abakobwa 400 baari inzererezi bari kugororwa mu Kigo Ngororamuco...

Abagore n’abakobwa 400 bahoze ari inzererezi, barimo kugororwa mu Kigo...
21 September 2019 Yasuwe: 895 0

Perezida Kagame yashyizeho abasenateri 4 barimo Nyirasafari na Mukabaramba...

Nyakubahwa Perezida wa Repubulika Paul Kagame yamaze gushyiraho abasenateri...
20 September 2019 Yasuwe: 3515 0