Nyarugenge: Umugabo yatawe muri yombi ari gusezerana n’umukobwa bakundanaga

Amakuru   Yanditswe na: Dusingizimana Remy 9 November 2019 Yasuwe: 9952

Umugabo witwa Habumugisha Patrice wo mu Murenge wa Kigali mu Karere ka Nyarugenge,yatawe muri yombi ari gusezerana nyuma yo gushinjwa icyaha cyo gutera inda umwana uri munsi y’imyaka 18 y’amavuko.



Nkuko amakuru dukesha IGIHE abitangaza,Habumugisha yatawe muri yombi ubwo yari agiye gusezerana imbere y’amategeko n’umukunzi we kuwa 7 Ugushyingo 2019 mu murenge wa Kigali.

Umunyamabanga Nshingwabikorwa w’Umurenge wa Kigali, Niyibizi Jean Claude, yabwiye IGIHE, ko ubwo Habumugisha, yashakaga gusezerana n’undi mugore ari bwo Uwimana babyaranye yahise yanga ko basezerana ivangamutungo.

Yagize ati “Umugore wa mbere yamushatse afite imyaka 16 noneho baza kurekana afite abana babiri ubu umwe afite imyaka itandatu n’uw’ine n’igice noneho aramwirukana asubira iwabo i Nyamasheke nyuma yumvise ko bagiye gusezerana araza atanga ikirego noneho igihe cyo gusezerana araza avuga ko adashaka ko bavanga umutungo kuko harimo iye.

Nyina w’umukobwa barazanye avuga ko Habumugisha yabahaye inkwano y’ibihumbi 200 bayaguramo ibyo kunywa umukobwa anazana ibihumbi 40 babiguramo ihene ziroroka ariko batandukanye arazisiga anavuga ko banagurishije isambu amafaranga bayaha umukobwa kugira ngo aze yubake nabyo biri muri iyo mitungo uwo mugabo yashakaga kuvanga n’uwo mugore we wa kabiri."

Amakuru aravuga ko Habumugisha yari yarashakanye n’uwitwa Uwimana Alphonsine afite imyaka 16 y’amavuko banabyarana abana babiri ariko nyuma aza kumwirukana asubira iwabo mu Karere ka Nyamasheke.

Bivugwa ko nyuma yo kwirukana Uwimana wari waraje i Kigali gukora akazi ko mu rugo yaje gukundana n’undi mukobwa ndetse bemeranya kubana ari nabwo gusezerana kwabo kwajemo rushorera.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwana wagwiriwe n’igiti i Rulindo ntiyagira icyo aba akomeje gutangaza...

Mu Karere ka Rulindo mu murenge wa Kinihira mu kagari ka Butunzi, igiti...
12 November 2019 Yasuwe: 5343 0

Muhanga: Abize ibijyanye na Muzika bahawe ikizamini cya Leta bagombaga...

Abanyeshuli 21 biga umuziki ku Nyundo bakoreye ikizamini cya Leta kuri Site...
12 November 2019 Yasuwe: 975 0

Uwahoze ari umuyobozi w’ibitaro bya Kibuye nyuma yo kunanirwa gusobanura...

Urwego rw’umuvunyi ruratangaza ko rwatsinze urubanza rwari ruhanganiyemo na...
12 November 2019 Yasuwe: 2015 0

Dore impamvu ibizamini bya leta byatangirijwe mu Karere ka Huye ku rwego...

Umunyamabanga wa leta ushinzwe amashuri abanza n’ayisumbuye, Dr Munyakazi...
12 November 2019 Yasuwe: 953 0

Ubwicanyi bwatumye Radio ikora ubukangurambaga bwo kurwanya Ebola...

Radio yo muri Repubulika ya Demokarasi ya Kongo yagize uruhare mu bikorwa...
12 November 2019 Yasuwe: 314 0

Perezida Kagame yavuze ku mubano w’u Rwanda na Uganda anasubiza abanenga...

Nyakubahwa perezida wa Repubulika yagiranye ikiganiro kirambuye...
12 November 2019 Yasuwe: 2982 1