Nyaruguru: Umusore wicishije nyina ubuhiri yakatiwe gufungwa burundu

Amakuru   Yanditswe na: Iyamuremye Janvier 13 August 2017 Yasuwe: 325

Urukiko rwakatiye Nsengiyumva Vincent igifungo cya burundu nyuma yo guhamywa icyaha cy’ ubwicanyi.

Ku wa 25 Nyakanga 2017 Ubushinjacyaha ku Rwego Rwisumbuye rwa Nyamagabe bwaregeye urukiko dosiye y’umusore witwa NSENGIMANA Vincent, wari ukurikiranyweho icyaha cy’Ubwicamubyeyi”, icyaha giteganywa n’ingingo ya 141 y’Itegeko Ngenga N°01/2012/OL ryo ku wa 02/05/2012 rishyiraho igitabo cy’amategeko ahana.

Icyo cyaha kikaba cyarabaye tariki ya 12 Gashyantare 2017 saa moya z’ijoro (19h00) mu Mudugudu wa Nkomero, Akagari ka Mwoya, Umurenge wa Nyagisozi ho mu Karere ka Nyaruguru ubwo NSENGIMANA Vincent yatashye avuye mu kabari asanga umubyeyi we witwaga MUKANTWALI Jeanne ari mu rugo, amubajije impamvu ataha bwije, baratonganye ahita afata ubuhiri yari asanzwe ajyana ku irondo abumukubita mu mutwe inshuro ebyiri, umubyeyi atangira kuva amaraso menshi, amukingirana mu nzu wenyine aratoroka, nyuma y’iminsi nibwo abaturage baje gusanga yarapfuye.

Uwakoze icyo cyaha yakomeje gushakishwa, polisi iza kumuta muri yombi, ashyikirizwa Ubushinjacyaha, nabwo bumurega mu Rukiko, ndetse busaba ko urubanza ruburanishirizwa ahakorewe icyaha, maze ku wa 02 Kanama 2017, urubanza rubera mu ruhame, mu murenge wa Nyagisozi. Ubushinjacyaha bumusabira igihano cy’igifungo cya burundu.

Tariki ya 09/08/2017, urubanza rwasomewe imbere y’imbaga y’abaturage, Urukiko rwemeza ko ikirego cy’Ubushinjacyaha gifite ishingiro, maze rwemeza ko icyaha cy’Ubwicanyi gihama NSENGIMANA Vincent, rumuhanisha igifungo cya burundu.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Leta y’ u Rwanda yagurijwe miliyoni 125$ zo kugeza amashyanyarazi ku...

Kuri uyu wa mbere, u Rwanda rwasinyanye amasezerano na banki y’Isi...
4 December 2017 Yasuwe: 429 2

Umubyeyi yabuze umwana we w’imyaka 3 nyuma yo kumusiga aryamye mu Cyumba cye...

Umubyeyi witwa Kristy Woods ukomoka mu gihugu cya Leta zunze Ubumwe...
30 November 2017 Yasuwe: 961 0

U Rwanda mu bihugu byafashe mu mugongo Misiri nyuma y’ igitero cyishe...

Guverinoma y’u Rwanda yihanganishije Igihugu cya Misiri n’abaturage bacyo...
25 November 2017 Yasuwe: 484 0

Gasabo: Uruhinja rwatoraguwe mu mugezi rwapfuye birakekwa ko rwatawe n’...

Mu gitondo cyo kuri uyu wa Gatanu tariki 17 Ukwakira 2017 abaturage bo mu...
17 November 2017 Yasuwe: 552 0

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 1034 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1628 0