Nyirambarushimana Djalia afite uburwayi bw’amayobera butuma ijisho rye riva mu mwanya waryo

Amakuru   Yanditswe na: Martin Munezero 7 October 2019 Yasuwe: 2581

Nyirambarushimana Djalia wo mu murenge wa Bugarama mu karere ka Rusizi aravuga ko afite uburwayi amaranye imyaka 6,bwatangiye yumva ari Malariya isanzwe nyuma aza kubyimba ijisho hanaziramo indwara y’ubuhumekero izwi nka sinizite(Sinusitis),kuri ubu uyu mukobwa w’imyaka 19 yabyimbye ijisho riva mu mwanya waryo, nyuma anabyimba izuru hazamo ikintu kimeze nk’ikibyimba bituma ahagarika kwiga dore ko bwamufashe ageze mu mwaka wa gatatu w’amashuri yisumbuye.



Bucumi Hakim umubyeyi w’uyu mwana avuga ko kuva umwana we yarwara yagerageje gushaka ubushobozi bwamuvuza ariko arabubura,amafaranga make abona nayo avuye guca inshuro ayatungishamo umuryango dore ko babarizwa mu Cyiciro cya kabiri cy’ubudehe ndetse n’aho batuye akaba ari isambu umuryango we wamutije.

Bucumi avuga ko ubwo haeruka kumujyana ku bitaro bya kaminuza bya CHUB byo mu karere ka Huye na byo bimwohereza ku bitaro by’i kigali CHUK ngo akorerwe ibizaminini byisumbuyeho (Birimo ikizwi nka Radiographie) kugira ngo byibuze habe hamenyekana icyateye ubwo burwayi bube bwavurwa ariko uyu mugabo avuga ko yabuze ubushobozi ngo kuko bamubwiraga ko amafaranga akenewe ari ibihumbi 350.000 Frw y’u Rwanda.

Uyu muryango ubusanzwe ubeshejweho no guca incuro kugira ngo ubone ikiwutunga. Ubukene bafite ni bwo bashingiraho basaba umugira neza wese wagira umutima wo gufasha uyu mukobwa, kumugoboka nibura akamuvuza ngo kuko we ntahandi abona yakura ubushobozi. Ikibateye impungenge ngo uko atinda kuvuzwa, ni ko uburwayi bwe burushaho kwiyongera dore ko bwanatumye atagikura mu gihagararo.

Uwakwifuza gufasha uyu muryango yakwegera ubuyobozi bwa TV1 dukesha iyi nkuru bukamufasha kumugeraho.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble gg

    Radiographies 350000???

    2 months ago
  • chat_bubble

    Radiographie 350000??? Ahaaa

    2 months ago

Inzindi nkuru

Minisitiri Busingye yemeje ko Dr Habumugisha wakubitiye umukobwa mu ruhame...

Minisitiri w’Ubutabera akaba n’Intumwa Nkuru ya Leta, Busingye Johnston,...
8 December 2019 Yasuwe: 3322 0

Dr Donald Kaberuka yahawe imirimo mishya

Kuri uyu wa Gatanu taliki ya 6 Ukuboza 2019,inteko rusange y’ umuryango w’...
7 December 2019 Yasuwe: 3369 0

Karongi:Basabose Pierre yakubise ishoka Gitifu mu mutwe

Umuturage witwa Basabose Pierre wo mu mudugudu wa Gafuruguto, Akagari ka...
7 December 2019 Yasuwe: 7145 2

Uwanyirigira Marie Chantal yatorewe kuyobora akarere ka Burera

Yasimbuye kuri uyu mwanya Uwambajemariya Florence wagizwe Umunyamabanga...
6 December 2019 Yasuwe: 2387 0

Abadepite mu Nteko Ishinga Amategeko y’u Rwanda bagiye kwegera abaturage mu...

Abadepite mu Nteko Ishinga Amategeko y’u Rwanda bagiye kwegera abaturage mu...
6 December 2019 Yasuwe: 608 0

Rusizi: Umukecuru yateye imboga nyinshi kugira ngo ajye aziha abaturanyi be...

Umukecuru witwa Mukangwije Thacienne ukomoka mu karere ka Rusizi mu...
4 December 2019 Yasuwe: 3866 1