skol
startimes

Abahoze batuye ahazwi nko muri Bannyahe bagaragaye basubira mu matongo bagiye gufashwa

Amakuru   Yanditswe na: Martin Munezero 28 August 2020 Yasuwe: 2903

Ku wa Gatatu w’iki cyumweru hatangiye gukwirakwira amafoto n’amavidewo agaragaza abahoze batuye mu Kagari ka Nyarutarama mu midugudu ya Kangondo ya Mbere n’iya Kabiri, hazwi nko muri Bannyahe, basubiye mu matongo aho bahoze batuye.


Ni amafoto yabagaragazaga bashinga amahema mu matongo y’aho bahoze batuye, nyuma y’aho leta inaniriwe kubakodeshereza amacumbi, nyuma yo gusenyerwa muri Werurwe uyu mwaka bizezwawa ubukode kugeza igihe bazabonera ingurane ikwiye.

Kuri ubu amakuru nuko ubuyobozi bw’umurenge wa Remera bwemeza ko Umujyi wa Kigali wamaze kubushyikiriza amafaranga yo gukodeshereza imiryango 74 yasenyewe muri Bannyahe..

Ubutegetsi bwite bwa leta bufatanyije n’inzego z’umutekano bwahise bubimura muri ayo matongo, maze bubasezeranya gutangira gukemura ibibazo byabo.

Mu gitondo cy’ejo ku wa Kane abahagarariye abandi basabwe kuzindukira ku biro by’Umurenge wa Remera ngo baganire ku buryo bakemuramo ibibazo byabo.

Ijwi ry’Amerika dukesha iyi nkuru rivuga ko ryageze ku biro by’Umurenge wa Remera rigasanga inama yahuzaga abo baturage n’umurenge yarangiye, ariko abari bayirimo bavuga ibyo baganiriye.

Aba baturage bafashe umwanzuro wo kujya gushinga amahema mu matongo yabo bavuga ko bamaze amezi agera muri atanu, batishyurirwa ubukode nk’uko leta yari yabibijeje.

Umunyamabanga Nshingwabikorwa w’Umurenge wa Remera, Gaudeffrey Karamuzi, yemeye koko ko yabonanye n’abaturage bahagarariye abafite ibibazo by’aho kurambika umusaya, avuga ko ubuyobozi bw’Umujyi wa Kigali hari amafaranga bwahise bwohereza yo gukodeshereza abo baturage ku buryo ngo mu minsi ya vuba araba yageze kuri Konti zabo. Gusa ngo bazahera ku bababaye kurusha abandi.

Ku kijyanye no kumenya niba n’amezi atanu ashize batishyura banyir’amazu bakodeshaga basaba ko Leta yabanza kubishyurira, Karamuzi avuga ko ubwo bushobozi butabonekera icyarimwe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 52 bakize Covid-19 mu Rwanda abandi 21 barayandura

Minisiteri y’Ubuzima yatangaje ko uyu munsi tariki ya 27 Ugushyingo 2020,...
27 November 2020 Yasuwe: 926 0

RIB iri gushakisha umugabo w’imyaka 36 wasambanyije umwana

Urwego rw’Igihugu rushinzwe Ubugenzacyaha (RIB) rurashakisha uwitwa Ikuzwe...
26 November 2020 Yasuwe: 1701 0

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 3171 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1144 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2355 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4682 0