Papa Francis yavuguruye gatigisimu ya Kiliziya gatolika

Amakuru   Yanditswe na: Nsanzimana Ernest 2 August 2018 Yasuwe: 1853

Umushumba mukuru wa Kiliziya Gatolika ku Isi Papa Francis yahinduye inyigisho z’ukwemera kwa Kiliziya Gatolika, avuga ko igihano cy’urupfu kitemewe mu buryo ubwo ari bwo bwose.

Gatigisimu ya Kiliziya Gatolika, ikubiyemo inyigisho za Kiliziya Gatolika mu buryo buvunaguye, mbere yemeraga ko hari ubwo mu bihe bimwe na bimwe igihano cy’urupfu cyakoreshwa.

Ubu noneho gatigisimu ya Kiliziya Gatolika iravuga ko igihano cy’urupfu "kitemewe kubera ko cyibasira ubudahangarwa n’icyubahiro by’umuntu."

Mu bihe byashize, Papa Francis yumvikanye yamagana igihano cy’urupfu. Mu kwezi kwa cumi k’umwaka ushize wa 2017, yari yavuze ko gahunda ya Kiliziya Gatolika ku bijyanye n’igihano cy’urupfu ari ahantu hamwe hashobora guhinduka bijyanye n’impungenge ziriho muri iki gihe.
Inyandiko ya gatigisimu ya Kiliziaya Gatolika yashyizweho bwa mbere na Papa Yohani Pawulo wa II mu kwezi kwa cumi k’umwaka wa 1992.

Mbere, iyi gatigisimu yavugaga ko igihano cy’urupfu cyari "igisubizo gikwiye kijyanye n’ubukana bw’ibyaha bimwe na bimwe ndetse kikaba uburyo bwewe, nubwo bukaze, bwo kurinda kamere nziza duhuriyeho."

Ariko ubu noneho gatigisimu ya Kiliziya Gatolika ku gihano cy’urupfu iravuga ko "bikomeje kugaragara ko icyubahiro cy’ikiremwa-muntu kitavaho kabone n’iyo haba hamaze gukorwa ibyaha bikomeye cyane."

Itangazo ry’i Vatican riravuga ko Kiliziya Gatolika ubu noneho igiye guharanira ko igihano cy’urupfu gikurwaho ku isi hose nk’ uko BBC yabitangaje.

Urebye mu mateka, Kiliziya Gatolika akenshi ntiyakunze kurwanya igihano cy’urupfu, ndetse no mu kinyejana cya 20. Mu mwaka wa 1952, Papa Piyo wa XII yavuze ko igihano cy’urupfu kidahonyanga uburenganzira bw’umuntu ku buzima.

Papa Pawulo wa II we yasabaga ko aho bishoboka hose umuntu yafungwa aho guhabwa igihano cy’urupfu, nubwo Joseph Ratzinger, waje kwitwa Papa Benedicto wa XVI, we yanditse ko igihano cy’urupfu gishobora kwemerwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Ineza

    Ubwo iyo ni gatigisimu? Ntimukitiranye ibintu

    1 month ago

Inzindi nkuru

Nyamagabe: Batsinze ikizamini kibinjiza mu bakozi ba Leta barahamagarwa...

Bamwe mu bakoze ibizamini byo kwigisha mu mashuri abanza mu karere ka...
22 September 2018 Yasuwe: 2910 2

Abakekwaho kugira uruhare mu rupfu rwa Rtd. CSP Gashagaza uherutse...

CSP Gashagaza yitabye Imana mu ijoro rishyira kuri uyu wa Kabiri, kurubu...
20 September 2018 Yasuwe: 4917 0

Bugesera: Bamwe mu basigajwe inyuma n’amateka bakura inzugi ku nzu zabo...

Umudugudu wa Sumbure uherereye mu kagari ka kanazi,umurenge wa Nyamata ho...
19 September 2018 Yasuwe: 349 0

Mukabalisa yongeye kuba Perezida w’ Umutwe wa Abadepite

Mukabalisa Donatille wari usanzwe ayobora Inteko Ishinga Amategeko, Umutwe...
19 September 2018 Yasuwe: 1054 0

Perezida Kagame yakiriye indahiro z’abagize Inteko ishinga Amategeko(...

Abadepite 80 baherutse gutorerwa kwinjira mu Nteko Ishinga Amategeko y’u...
19 September 2018 Yasuwe: 1214 0

Uturere 2 twa Kigali tumaze gukurwamo imibiri ibihumbi 18 abasenyewe amazu...

Mu mezi atatu ashize ibyobo byatawemo abishwe muri Jenoside yakorewe...
18 September 2018 Yasuwe: 1302 0