Kuri iki Cyumweru taliki ya 07 Mata 2019,nibwo Nyakubahwa perezida wa Repubulika,Paul Kagame, n’abakuru b’ibihugu bitandukanye bashyize indabo ku mva z’abazize Jenoside yakorewe Abatutsi bashyinguwe ku rwibutso rwa Jenoside rwa Kigali ruri ku gisozi ndetse bacana urumuri rw’icyizere.

Sponsored Ad

Perezida Paul Kagame na Mme Jeannette Kagame, n’Abakuru b’Ibihugu barimo uwa Tchad, Idriss Déby, uwa Niger Mahamadou Issoufou, uwa Congo Brazzaville, Denis Sassou Nguesso, Visi Perezida wa Nigeria, Yemi Osinbajo na Minisitiri w’Intebe wa Ethiopia, Dr Abiy Ahmed, bashyize indabo ku mva enye zishyunguyemo abasaga ibihumbi 250 bishwe muri Jenoside yakorewe Abatutsi ndetse habaho gucana urumuri rw’ikizere ruzamara iminsi 100 rwaka.

Nyuma y’iyi mihango,Perezida Paul Kagame n’abandi bashyitsi bagiye ku nyubako ya Kigali Convention Center hakomereje umuhango wo gutangiza icyumweru cyo kwibuka ku nshuro ya 25 Jenoside yakorewe Abatutsi.