Perezida Kagame yagiranye ibiganiro na mugenzi we wa Seychelles

Amakuru   Yanditswe na: Nsanzimana Ernest 13 August 2018 Yasuwe: 1981

Kuwa Gatandatu w’icyumweru gishize Perezida Paul Kagame yagiriye uruzinduko rwihariye muri Seychelles, aganira na Perezida Danny Faure uyobora iki gihugu.

Ibiro bya Perezida wa Seychelles byatangaje ko Perezida Kagame, unayoboye umuryango wa Afurika Yunze Ubumwe (AU), yakiriwe ku gicamunsi cyo kuwa Gatandatu.

Igihe cyanditse ko, Ibiganiro by’abo bakuru b’ibihugu byibanze ku gukomeza umubano, ubucuti n’ubufatanye bw’ibihugu byombi. Nyuma y’ibi biganiro abakuru b’ibihugu bahanye impano ku bw’ibihugu bayoboye.

Mu mwaka wa 2014, Perezida Kagame yakiriye uwari Perezida w’Inteko Ishinga Amategeko ya Seychelles, Patrick Herminie, baganira ku mahirwe ari hagati y’ibihugu byombi mu bijyanye n’ubukungu.

Herminie wari mu ruzinduko rw’iminsi itanu, yavuze ko u Rwanda na Seychelles bifite byinshi byafatanya hagamijwe guteza imbere ubukungu.

Yagize ati “Seychelles yateye imbere cyane cyane mu bijyanye n’ubukerarugendo kandi nizera ko u Rwanda kuba rufite sosiyete yarwo y’indege igera henshi kuri uyu mugabane, yabyaza umusaruro ayo mahirwe.”

Yongeyeho ati“Rwandair si uguteza imbere ubukerarugendo muri Seychelles gusa, ahubwo yajya izana n’ibicuruzwa ibikuye mu Rwanda cyane cyane nk’ibikomoka ku buhinzi.”


Perezida Kagame yagiranye ibiganiro na Perezida Faure wa Seychelles

Seychelles ni igihugu kigizwe n’ibirwa 115 bibarizwa mu Nyanja y’u Buhinde. Gifite ubuso bwa kilometero kare 459. Gituwe n’abaturage basaga gato ibihumbi 94.

Seychelles ni kimwe mu bihugu bike bya Afurika bifite abaturage binjiza amafaranga menshi ku mwaka, kuko nibura umusaruro w’umuturage umwe (GDP per Capita) ubarirwa ku madolari ibihumbi 16.

Ubukungu bw’icyo gihugu bushingiye cyane cyane kuri serivisi, urwego rw’abikorera n’ubukerarugendo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyarugenge: Abantu bubatse mu bishanga batangiye gusenyerwa

Ubuyobozi bw’akarere ka Nyarugenge bwabyukiye mu gikorwa cyo gusenyera...
18 February 2019 Yasuwe: 2865 1

Mukankusi umaze kubyarira abana batatu muri ruhurura yatangaje ubuzima...

Umubyeyi w’abana 3 witwa Mukankusi Nadine yatangaje ko aba bana bose yabyaye...
18 February 2019 Yasuwe: 3702 4

Perezida Kagame yahishuye ko intandaro y’ibibazo biri hagati y’umubano w’u...

Perezida wa Repubulika y’u Rwanda Paul Kagame yagaragaje ko ibibazo biri mu...
18 February 2019 Yasuwe: 4407 2

Imodoka ya Trinity yaritwaye abagenzi iva Kampala yerekeza i kigali yakoze...

Nk’uko byemezwa na SSP Ndushabandi Jean Marie Vianney, Umuvugizi w’Ishami rya...
17 February 2019 Yasuwe: 5621 0

Mutegaraba wabuze umuryango we wose muri Jenoside yahaye impanuro ikomeye...

Mutegaraba Venantia wagizwe inshike na Jenoside yakorewe abatutsi muri 1994...
17 February 2019 Yasuwe: 1772 0

Huye :Abagizwe incike na Jenoside batujwe mu rugo rw’impinganzima bishimiye...

Abanyarwanda bagizwe incike na jenoside batujwe mu rugo rw’Impinganzima mu...
16 February 2019 Yasuwe: 2152 0