addresiya
startimes

Perezida Kagame yagizwe umuturage w’icyubahiro w’umujyi wa Abidjan

Amakuru   Yanditswe na: Dusingizimana Remy 21 December 2018 Yasuwe: 2147

Nyakubahwa Perezida wa Repubulika, Paul Kagame, yagizwe umuturage w’icyubahiro w’umujyi wa Abidjan ku munsi w’ejo Taliki ya 20 Ukuboza 2018,ubwo yari mu ruzinduko yagiriye muri iki gihugu.



Abayobozi b’umujyi wa Abidjan muri Cote d’Ivoire bahaye perezida Paul Kagame ubwenegihugu bw’icyubahiro bitewe nuko bamufata nk’umuntu w’ingirakamaro kuri iki gihugu ndetse no ku mugabane w’Afurika muri rusange.

Guverineri wa Abidjan, Robert Beugré Mambé ni we wahereje Perezida Kagame imfunguzo nk’ikimenyetso cy’icyubahiro ahawe n’ubuyobozi n’abaturage ba Abidjan.

Perezida Kagame kandi yahawe ikaze n’abayobozi gakondo ba Côte d’Ivoire bamuha ikamba, umwitero, urunigi n’igisa nk’inkuyo ikozwe mu bwoya.

Perezida Kagame yavuze ko kugirwa umuturage w’icyubahiro wa Abidjan ari ikimenyetso cy’uko umujyi wa Abidjan witeguye guha ikaze abanyafurika bose ndetse no kuborohereza mu bucuruzi.

Yagize ati “Gukuraho ibidutandukanya byose bizoroshya ubucuruzi, kumvikana, ubufatanye ndetse n’ubucuti mu baturage bacu.”

Kagame yavuze ko ibyo yakorewe n’umujyi wa Abidjan bishimangira ko amasezerano yasinyiwe i Kigali muri Werurwe uyu mwaka yo koroshya urujya n’uruza muri Afurika ndetse no gushyiraho isoko rusange kuri uwo mugabane azagerwaho.

Kagame yashimye umuco yeretswe n’umuyobozi gakondo wa Abidjan, avuga ko bigaragaza ubukungu bw’umuco nyafurika.

Ati “Reka mvuge ukuntu nejejwe n’imigisha y’abayobozi gakondo b’aka karere. Umuco wacu niyo soko y’indangagaciro. Uko Afurika itera imbere, bizaba ibyagaciro kuguma ku murage wacu, tuwuhererekanye n’ibisekuru bizaza.”

Mu bandi bagizwe abaturage b’icyubahiro ba Abidjan harimo Pranab Mukherjee wahoze ari Perezida w’u Buhinde, Perezida wa Ghana John Dramani Mahama, Ali Bongo wa Gabon na Ibrahim Boubakar Keita wa Mali.

Ku wa Gatatu w’iki cyumweru, Perezida Kagame yahawe umudari w’ishimwe uzwi “Grand-Croix de l’Ordre Nationale de Côte d’Ivoire” naho madamu Jeannette Kagame ahabwa umudari witwa ‘Grade de Commandeur de l’Ordre National de Côte d’Ivoire’.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1665 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7881 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1236 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21613 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7230 0

Rwanda:Hagiye gukoreshwa ikoranabuhanga mu gusaba uruhushya rwo gusohoka mu...

Nkuko Itangazo rya Polisi y’u Rwanda yashize ku rukuta rwayo rwa Twitter...
26 April 2020 Yasuwe: 2739 3