Perezida Kagame yakiriye Abanyeshuri basanzwe ari n’abayobozi mu bihugu bitandukanye by’Africa-AMAFOTO

Amakuru   Yanditswe na: Iyamuremye Janvier 15 August 2017 Yasuwe: 1018

Ku gicamunsi cyo kuri uyu wa 15 Kanama, Perezida wa Repubulika Paul Kagame yakiriye itsinda ry’abayobozi 54 bongerera ubumenyi bwabo mu miyoborere mu ishuri ry’ubucuruzi rya Harvard Business School basanzwe ari n’abayobozi mu bihugu bitandukanye muri Africa.

Aba banyeshuli baje kwigira ku iterambere u Rwanda rwagezeho baganira ku cyatuma umugabane wa Africa uca ukubiri n’ibibazo bikomeje kuwugariza. Aba banyeshuri biga muri gahunda yiswe Senior Executive Program for Africa (SEPA)

Prof Srikant Datar uyoboye iri tsinda, avuga ko iyi gahunda igamije gukarishya abayobozi ba Africa mu bumenyi bwo kwikemurira ibibazo byugariye umugabane wabo.

Yagize ati “Yatuganirije uko yagiye akemurana ibibazo bitandukanye by’ingutu ubuhanga, ni ibintu bitangaje kandi ndatekereza ko ubunararibonye yadusangije ari urugero rwiza [...] twese byadukoze ku mutima.”

Umuyobozi wa Banki ya Kigali (BK) Diane Karusisi akaba umunyarwanda rukumbi wiga muri iyi gahunda, yatangaje ko ubumenyi avoma muri iri shuri bumufasha gukomeza kwagura iki kigo cyimara no kurushaho guhanga udushya no kunoza neza inyungu zigera ku bakiliya ba BK.

Yagize ati “Dufite umukoro wo gusubira inyuma tukareba uburyo inyigisho twahawe tuzishyira mu bikorwa mu kazi kacu ka buri munsi ku buryo ibigo n’ibihugu byacu byakomeza gutera imbere.”

Aba banyeshuri 54 baturuka mu bihugu 16, barimo abayobozi bakuru b’ibigo, abari muri nyobozi z’ibigo n’impuguke ngishwanama muri Africa.
REBA AMAFOTO:








Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame ategerejwe mu Bufaransa

Perezida wa Repubulika y’ u Rwanda Paul Kagame tariki 24 na 26 Gicurasi uyu...
16 May 2018 Yasuwe: 2075 0

Imodoka nini zabujijwe gukoresha umuhanda Kigali- Gicumbi-Gatuna

Polisi y’ u Rwanda yatangaje ko abatwara imodoka bakwirinda guca mu muhanda...
15 May 2018 Yasuwe: 1332 0

Mu masaha abarirwa ku ntoki impunzi zishaka gutaha ziratangira...

Leta y’ u Rwanda ifatanyije n’ ishami ry’ umuryango w’ abibumbye ryita ku...
14 May 2018 Yasuwe: 3512 0

Kizito Mihigo yasubiye imbere y’ urukiko

Mu gitondo cyo kuri uyu wa Mbere tariki 14 Gicurasi 2018 Kizito Mihigo, na...
14 May 2018 Yasuwe: 4298 0

Habyarimana yafunze abarenga 70 bicirwa muri gereza babeshya imiryango yabo...

Komisiyo y’ igihugu yo kurwanya Jenoside CNLG yagaragaraje ko ubutegetsi...
11 May 2018 Yasuwe: 2611 1

Minisitiri Gashumba yavuze uko abarimu bishe abanyeshuri b’ abatutsi...

Minisitiri w’ ubuzima Dr Diane Gashumba yavuze ko yiga abarimu babigishaga...
11 May 2018 Yasuwe: 2814 0