Perezida Kagame yanenze abayobozi badashyira mu bikorwa ibyigiwe mu mwiherero

Amakuru   Yanditswe na: Dusingizimana Remy 9 March 2019 Yasuwe: 870

Perezida wa Repubulika Paul Kagame yanenze abayobozi bitabira umwiherero ariko ntibagira uruhare mu gushyira mu bikorwa ibyigiwemo bigatuma iterambere ry’igihugu rikomeza kugenda biguruntege.

Kuri uyu wa Gatandatu taliki ya 09 Werurwe 2019, nibwo Perezida Kagame yatangije umwiherero w’abayobozi bakuru b’igihugu ku nshuro ya 16, uri kubera I Gabiro mu karere ka Gatsibo aho yibukije abayobzi basaga 350 bawitabiriye ko ibiva mu mwiherero byakagombye gusunika igihugu kigatera imbere aho kudindira.

Yagize ati “Ikibazo dufite tudakemura kandi dukwiriye kugikemura ni uko tuza hano ugasanga aho twagize intege nke turacyahafite intege nke,ntacyakosowe.Ntabwo waba mu buzima aho utera intambwe 2 imbere ukongera ugatera indi usubira inyuma.Niyo waba ugenda buhoro,tera intambwe,hanyuma utere igice cy’intambwe uhozeho.Gusubira inyuma usa n’uhunga aho waganaga ni ikibazo.

Dukwiriye kureba ibibazo dufite tukinenga.Kwinenga nta kindi bigamije ni ukuvuga ngo ese izo ntege nke nagize ni uko bitashobokaga ko nzigira ngatera imbere?.Ntabwo ibyiza by’umwiherero bitangira umwiherero utangiye ngo birangire ari uko nawo urangiye.Umwiherero wari ukwiriye kuba ibiwuvamo bidusunika,bitwihutisha mu rugendo twagendaga.”

Nyakubahwa perezida wa Repubulika Paul Kagame yavuze ko Umwiherero ari igihe cyiza cyo kwisuzuma ku bayobozi,bikabafasha gushyira mu bikorwa imyanzuro yafatiwemo.

Uyu mwiherero watangiye uyu munsi tariki ya 9 Werurwe 2019,uzasozwa kuwa 12 Werurwe 2019 aho aba bayobozi basaga 350 baziga ku ngingo zitandukanye zirimo icyerekezo cy’iterambere mu Rwanda, guteza imbere ireme ry’uburezi, guteza imbere ubuzima, kongera umusaruro w’ubuhinzi, guteza imbere ishoramari no kongera ibyoherezwa mu mahanga.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nsabimana Callixte ‘Sankara’ wigambye ibitero byo muri Nyungwe yeretswe...

Mu gitondo cyo kuri uyu wa Gatanu Taliki ya 17 Gicurasi 2019,nibwo...
17 May 2019 Yasuwe: 7173 2

MINEDUC yafatiye ibyemezo ikibazo cy’abana bajya gushaka ishuri mu bihugu...

Mu rwego rwo gukumira burundu ikibazo cy’abana bambuka umupaka bakajya...
17 May 2019 Yasuwe: 1726 2

U Rwanda rwaje ku mwanya wa 2 nk’ahantu habereye kwakira inama zikomeye muri...

Ishyirahamwe Mpuzamahanga rishinzwe ibyo gutegura Inama zikomeye (ICCA)...
16 May 2019 Yasuwe: 2232 2

Kigali: Umugabo yatashye yasinze agwira umwana we w’uruhinja...

Umugabo utuye mu mudugudu wa Kabuye,Akagari ka Kagunga, mu murenge wa...
16 May 2019 Yasuwe: 3527 0

Menya byinshi ku Cyogajuru cya mbere cyakozwe n’abanyarwanda cyamuritswe mu...

Rwasat-1 ni icyogajuru cya mbere gikozwe bigizwemo uruhare n’abanyarwanda...
15 May 2019 Yasuwe: 1926 1

Robot yitwa Sophia yatangaje benshi kubera imbwirwaruhame yatanze muri...

Imashini kabuhariwe ifite ubwenge budasanzwe yitwa “Sophia”,yashimishije...
15 May 2019 Yasuwe: 3222 0