addresiya
startimes

Perezida Kagame yashimye umusanzu w’itorero ry’Abadiventisiti mu kubaka u Rwanda

Amakuru   Yanditswe na: Dusingizimana Remy 2 September 2019 Yasuwe: 1363

Nyakubahwa perezida wa Repubulika Paul Kagame yashimye uruhare rw’itorero ry’Abadiventisiti b’Umunsi wa Karindwi mu bikorwa byubaka igihugu ndetse n’imikoranire yaryo na Leta y’u Rwanda.



Kuri uyu wa Mbere taliki ya 02 Nzeri 2019 nibwo perezida Kagame yafunguye ku mugaragaro Ishuri ry’Ubuvuzi rya Kaminuza y’Abadiventisiti b’Umunsi wa Karindwi rya AUCA (Adventist School of Medicine of East-Central Africa-ASOME),ashimira iri torero uruhare rwayo mu kubaka igihugu.

Yagize ati “Ndashimira Itorero ry’Abadiventisiti riheruka kuzuza imyaka 100 ritanga ubufasha bw’umwuka n’ubw’ibifatika mu buzima bw’Abanyarwanda. Muri iki gihe itorero ryabaye umufatanyabikorwa wa Guverinoma mu gutanga serivisi z’ubuvuzi n’uburezi. Ni ikinyejana cy’ibikorwa cyagaragaje gusangira icyerekezo n’imikoranire.

Uburezi by’umwihariko siyansi aho kwiga biba byoroshye, ubuvuzi butangwa neza ni umusingi w’imibereho myiza y’abaturage bacu. Ugomba kugira abantu babifitiye ubumenyi n’ibikoresho nk’ibiri hano muri iri shuri ririmo ikoranabuhanga rigezweho kugira ngo utange ubuvuzi bufite ireme.’’

Perezida Kagame yijeje ASOME ko Guverinoma y’u Rwanda izatanga ubufasha mu iyubakwa ry’ibitaro byaryo.

Icyiciro cya mbere cy’iyubakwa ry’iri shuri cyatwaye miliyoni $100, yakusanyijwe mu misanzu y’abayoboke b’itorero ry’abadivantisite barenga miliyoni 25 ku Isi aho buri wese yatanze $2.

Nkuko ubuyobozi bw’Itorero ry’Abadivantiste bwabitangaje,iri shuli ryazanywe mu Rwanda kubera icyerekezo cyarwo mu guteza imbere ubuvuzi n’izindi nzego.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2029 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 689 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 19549 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1021 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1819 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8045 0