Perezida Kagame yashyizeho Minisitiri w’ intebe mushya utari Murekezi

Amakuru   Yanditswe na: Nsanzimana Ernest 30 August 2017 Yasuwe: 7503

Anastase Murekezi wari Minisitiri w’ intebe w’ u Rwanda akaba yari no muri Guverinoma yaseshwe, yasimbujwe Dr. Ngirente Edouard nk’ uko bigaragara mu itangazo rya perezidansi y’ u Rwanda.

Mu itangazo ryashyizwe ahagaragara na Perezidansi y’u Rwanda, Perezida Paul Kagame ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe muri 2015, cyane cyane mu ngingo yaryo ya 116, none ku wa 30 Kanama 2017, yashyizeho Minisitiri w’Intebe, Dr. NGIRENTE Edouard.

Dr. Ngirente ni mushya mu matwi y’abanyarwanda; ntabwo yakunze kuvugwa cyane muri Politiki y’u Rwanda. Gusa yabaye Umujyanama mu by’Ubukungu muri Minisiteri y’Imali ahava ajya gukora muri Banki y’Isi.

Ku rukuta rwe rwa Twitter, Dr. Ngirente yahise ashimira Perezida Kagame ku mahirwe yamuhaye.

Biteganyijwe azahita afatanya na Perezida Kagame gushyiraho abandi bagize Guverinoma, mbere y’iminsi 15 uhereye kuri uyu wa Gatatu tariki 30 Kanama 2017.

Ingingo y’116 mu Itegeko Nshinga rya Repubulika y’u Rwanda ryo muri 2015 isobanura ibijyanye n’Ishyirwaho ry’abagize Guverinoma, ikerekana uko Perezida ashyiraho Guverinoma, ndetse n’igihe ntarengwa agomba kuba yabikoreye. Iyi ngingo igira iti: "Minisitiri w’Intebe atoranywa, ashyirwaho kandi avanwaho na Perezida wa Repubulika. Abandi bagize Guverinoma bashyirwaho na Perezida wa Repubulika amaze kugisha inama Minisitiri w’Intebe. Minisitiri w’Intebe ashyirwaho bitarenze iminsi cumi n’itanu (15) nyuma y’irahira rya Perezida wa Repubulika. Abandi bagize Guverinoma bashyirwaho bitarenze iminsi cumi n’itanu (15) nyuma y’ishyirwaho rya Minisitiri w’Intebe."

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble djamari vye

    turamwishimiye twizeyeko azakomeza guteza imbere ibyo igihugu cyacu cyagezeho ndeste nibyo twifuza kugeraho tukabigeraho

    2 months ago

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 812 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1524 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2386 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3140 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4744 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2993 0