Perezida Kagame yatangaje ikintu gisekeje cyahungabanyije perezida Museveni

Amakuru   Yanditswe na: Dusingizimana Remy 2 April 2019 Yasuwe: 10651

Nyakubahwa Perezida wa Repubulika, Paul Kagame, yatangaje ko Perezida Museveni yahungabanyijwe n’itorero ry’urubyiruko rw’abanyeshuri b’Abanyarwanda baba mu mahanga ribera mu Rwanda,avuga ko ari umutwe u Rwanda ruri gutoza kugira ngo uzatere Uganda.

Mu kiganiro kirambuye Perezida Kagame yagiranye n’ikinyamakuru Jeune Afrique,yabwiye umunyamakuru François Soudan ko Museveni yahungabanyijwe n’itorero ry’urubyiruko rw’abanyeshuri b’Abanyarwanda baba mu mahanga ryabereye mu Rwanda avuga ko ari umutwe u Rwanda ruri gutoza ngo ruzatere Uganda.

Yagize ati “Reka ngusetse gato: Hano mu Rwanda hari gahunda dufite y’Itorero rihuza urubyiruko rw’abanyeshuri b’Abanyarwanda baba mu mahanga, tubahuriza hamwe mu biruhuko ababyifuje tukabaha inyigisho z’amateka, ubukungu, Ikinyarwanda, indangagaciro n’imyitozo y’ibanze ya gisirikare imara icyumweru kimwe. Ariko nagira ngo nkubwire ko kuri Museveni ngo uwo ari umugambi mubi ubangamiye Uganda. Ku bwe ngo tuba turimo dutoza umutwe wo kuzatera Uganda. Urumva na we ko hari aho bigera agasa nk’ucanganyikiwe.”

Perezida Kagame yavuze ko umuti w’ikibazo cy’u Rwanda na Uganda uri mu maboko ya Museveni ubwe ndetse atazigera abasha kuba perezida w’u Rwanda.

Perezida Kagame yabwiye Jeune Afrique ko ashobora kuba yarahungabanyijwe no kuba ingabo z’u Rwanda zaratsinze ubugira 3 iza Uganda I Kisangani mu mwaka wa 2000,akaba ariyo mpamvu yifuza kwigarurira u Rwanda.

Perezida Museveni amaze iminsi asura ibigo bya gisirikare biherereye hirya no hino muri Uganda areba uko biba byiteguye igihe cyose byaterwa n’umwanzi utunguranye,ibintu byatangaje inzobere muri politiki.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Huye:Ivatiri yarenze umuhanda igeze ku mukobwa mwiza abantu 4 bane...

Ivatiri yerekeza I Huye yakoreye impanuka mu murenge wa Mbazi ahazwi nko...
24 August 2019 Yasuwe: 5783 0

Nyamasheke: Ikamyo yo mu Burundi yakoze impanuka ica ukuguru umuntu wari...

Kuri uyu wa Gatanu, taliki 23 Kanama, 2019 saa kumi z’umugoroba, ikamyo...
24 August 2019 Yasuwe: 2033 0

Kamonyi : Ikamyo itwara umucanga yagonzwe na Hiace abantu 18...

Ku mugoroba wo kuri uyu wa Gatanu taliki ya 23 Kanama 2019,imodoka yo mu...
24 August 2019 Yasuwe: 2890 0

GISENYI:Abaturage babangamiye icyemezo cy’umuhesha w’inkiko cyo gusenyera...

Abaturage bo mu Kagari ka Bugoyi mu Murenge wa Gisenyi babangamiye icyemezo...
23 August 2019 Yasuwe: 2964 0

RUSIZI:Kamuzizi yafashe icyemezo cyo gutwika diplome ye abitewe n’itorero...

Umugabo witwa Kamuzinzi Daniel wo murenge wa Bugarama mu karere ka Rusizi,...
23 August 2019 Yasuwe: 4175 0

Urukiko rwanze kurekura ba banya Kenya bakurikiranyweho kubeshya urubyiruko...

Urukiko rw’ibanze rwa Kagamara ruherereye mu karere ka Kicukiro rwategetse...
23 August 2019 Yasuwe: 594 0