Perezida Kagame yateye igiti cy’umuzeti mu murwa mukuru wa Isiraheli, Yeruzalemu

Amakuru   Yanditswe na: Iyamuremye Janvier 10 July 2017 Yasuwe: 1432

Perezida Paul Kagame yateye igiti cy’umuzeti mu gashyamba ka ‘Grove of Nations’ mu murwa waYeruzalemu mu gihugu cya Isiraheli, kuri uyu wa 10 Nyakanga 2017.

Ni mu rugendo rw’iminsi ibiri rw’akazi , Umukuru w’Igihugu ari kugirira muri Isiraheli. Perezida Kagame yabaye uwa 97 uteye icyo giti gifatwa nk’ikimenyetso cy’amahoro, ubuzima n’ubusabane ku batuye Isi.

Nyuma yo gutera icyo giti, aherekejwe na bamwe mu bayobozi bakuru ba Isiraheli, Perezida Kagame yavuze ko yishimiye cyane gukora uwo muhango ugaragaza ko u Rwanda rushakira amahoro Isiraheli n’ibindi bihugu by’Isi.

Ati “Nishimiye ko igiti gihagarariye u Rwanda n’abaturage barwo kizashinga imizi aha hantu hakomeye. Ibi byerekana amateka dusangiye, no kuba igihugu cyacu kizagendana ikiganza mu kindi na Isiraheli mu guhindura imibereho y’abaturage bacu.”
Yongeyeho ko gutera igiti binerekana ko abantu bafite inshingano zo kwita ku bidukikije , ariko by’umwihariko agashyamba ka Grove of Nations kakerekana ubucuti n’ubuvandimwe.

Ati “ Gutera igiti byerekana inshingano zacu zo kwita ku bidukikije dore ko nabyo bituma tubaho neza. Iri shyamba ryihariye ni ikimenyetso kigaragara cy’ubucuti, ubuvandimwe n’ubudasumbana. Ritwibutsa ko twese hamwe turi abarinzi b’amahoro, n’ubufatanye muri iyi Isi dusangiye.”

Grove of Nations ni agace k’ishyamba rya Yeruzalemu gaterwamo ibiti by’imizeti kashyizweho n’Ikigega cy’Iterambere cy’Abayahudi mu 2005 muri gahunda yo guteza imbere imizeti mu gace k’inyanja ya Mediterane no kwimika umuco w’ubworoherane.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble emma

    ndumva binejeje pe

    July 2017

Inzindi nkuru

Igitero cyagabwe I Nyabimata: Ubuhamya bwa Munyaneza warashwe...

Perezida w’Inama Njyanama y’Umurenge wa Nyabimata, Munyaneza Fidèle yavuze...
20 June 2018 Yasuwe: 5871 0

Icyo polisi y’ u Rwanda ivuga ku gitero cyagabwe I Nyaruguru

Mu ijoro ryakeye kuwa 19 Kamena , mu masaha ashyira saa sita z’ijoro,...
20 June 2018 Yasuwe: 6188 0

Igitero cyagabwe i Nyaruguru: Umwe mu bishwe yari umurezi abashimuswe...

Ifoto ya Maniraho Anathole wari umuyobozi ushinzwe amasomo muri GS...
20 June 2018 Yasuwe: 9476 1

Umuturage yatumye polisi itahura umusore wari ujyanye urumogi i...

Umugenzi wari mu modoka yavaga mu karere ka Karongi yerekeza mu mujyi wa...
19 June 2018 Yasuwe: 2757 0

Perezida Kagame yitabiriye Car Free Day bwa kabiri

Kuri iki Cyumweru tariki 17 Kamena 2018, Perezida w’ u Rwanda Paul Kagame...
17 June 2018 Yasuwe: 2853 0

Gitifu w’ umurenge ushinjwa gusuzugura ingabo yasabye imbabazi

Anaclet Niyonsaba Umunyamabanga nshingwabikorwa w’ umurenge kibilizi wo mu...
16 June 2018 Yasuwe: 4552 1