addresiya
startimes

Perezida Kagame yavuze ku bigambye gufata Nyungwe, umubano w’u Rwanda n’Ubufaransa ndetse n’igihe u Rwanda rushobora kwinjira mu ntambara

Amakuru   Yanditswe na: Dusingizimana Remy 8 April 2019 Yasuwe: 12305

Nyakubahwa perezida wa Repubulika y’u Rwanda,Paul Kagame, yagiranye ikiganiro n’abanyamakuru kuri uyu wa Mbere taliki ya 08 Mata 2019,aho yavuze ko yishimiye intambwe Ubufaransa bukomeje gutera kugira ngo bunoze umubano wabwo n’u Rwanda ndetse aboneraho kwemeza ko intambara hagati y’u Rwanda n’ikindi gihugu ishoboka igihe cyose gishoje intambara butaka bwarwo.



Perezida wa Repubulika yabwiye abanyamakuru ko u Rwanda rutajya rushotora ibindi bihugu kuko rudakunda intambara ariko rwakora ibishoboka byose kugira ngo ruhagarika ubushotoranyi bwarusanga ku butaka bwarwo.

Yagize ati “Ntabwo dutekereza gushoza intambara hanze y’igihugu cyacu ariko ntitwabura kuburira ushaka kuzana intambara ku butaka bwacu.Intambara irashoboka igihe cyose hagira ushaka kuzana ku butaka bwacu.Niba hari umuntu ufite igitekerezo cyo gushoza intambara ku Rwanda,azitegura ibyago bikomeye azahura nabyo.Nahumuriza buri wese mubwira ko kubera ibibazo u Rwanda rwaciyemo,rwiyubatsemo imbaraga n’ubushobozi bwinshi bwo kurwanya umwanzi uwo ari we wese kugira ngo ruhorane amahoro.”

Ku byerekeye inyeshyamba zimaze iminsi zigamba kuba muri Nyungwe perezida Kagame yagize ati “Hari abantu bamaze iminsi bishimira intsinzi ngo bafashe ibice bimwe by’igihugu.Izo n’inkuru zishaje,ntabwo bazi ibyo bavuga.Abigamba ko bari muri Nyungwe mbafata nk’abantu bashaka kudushotora ngo turwane bibeshya ko bazabigiriramo inyungu.Abo bashaka kudushotora barashaka ngo tube nkabo,tugire ibibazo.Twanze kwinjira muri ubwo bushotoranyi.Tuzahangana nabazambuka umupaka wacu,twe ntituzambuka ngo tujye guteza ibibazo ahandi."

Perezida Kagame yavuze ko ibyo perezida Macron ari gukora kugira ngo umubano w’Ubufaransa n’u Rwanda ugende neza bitanga icyizere ko bizagenda neza.

Kagame yemeje ko ibyo Macron ari gukora bifite igisobanuro cyiza ndetse bitanga icyizere ko Ubufaransa buzashyira bukagaragaza ukuri ku ruhare rwabwo muri Jenoside binyuze mu bizava mu isuzuma rizakorerwa mu ishyinguranyandiko [Archives].

Perezida Kagame yasabye abanyarwanda kutirara bitewe n’aho bamaze kugera ahubwo bakwiriye kwigira ku bateye imbere bagakomeza gukataza mu iterambere.

Perezida Kagame yavuze ko umubano w’u Rwanda n’ibihugu bya EAC uzamera neza kuko bakomeje kuganira kugira ngo ibibazo bikemuke.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble alias

    niba banarimo( muri nyungwe ) nibagerageze kwinjira barebe ibizababaho ninko kwikorera inkono ishyushye kandi nabo barabizi nubwo babyirengagiza.

    April 2019
  • chat_bubble Augustin

    Wowe uhamya ko muri Nyugwe barimo, ndagirango ngusabe guhumura amaso yawe, ukirinda propaganda zibinyoma, HE abisobanuye neza ko bigamba kuhafata ntabwo yavuze ko bahafashe, kwinjira birashoboka ariko kuhafata ndagira ngo nkubwire ko birashoboka, kwinjira impamvu bishoboka ntarukuta ruhari, iriya sabotage bakora rero nibwo bushotoranyi HE yavugaga. mureke abanyarwanda biturize, mubahe umwanya batekereze kwiterambere. plz mwiyobya abantu. keretse niba namwe muri bamwe muri abo batifuriza ineza u Rwanda. gusa muzatsindwa ntakabuza, kuko ntaho ikinyoma cyatsinze ukuri

    April 2019
  • chat_bubble Augustin

    Wowe uhamya ko muri Nyugwe barimo, ndagirango ngusabe guhumura amaso yawe, ukirinda propaganda zibinyoma, HE abisobanuye neza ko bigamba kuhafata ntabwo yavuze ko bahafashe, kwinjira birashoboka ariko kuhafata ndagira ngo nkubwire ko birashoboka, kwinjira impamvu bishoboka ntarukuta ruhari, iriya sabotage bakora rero nibwo bushotoranyi HE yavugaga. mureke abanyarwanda biturize, mubahe umwanya batekereze kwiterambere. plz mwiyobya abantu. keretse niba namwe muri bamwe muri abo batifuriza ineza u Rwanda. gusa muzatsindwa ntakabuza, kuko ntaho ikinyoma cyatsinze ukuri

    April 2019
  • chat_bubble Kewusi

    Ese burya koko muri Nyungwe barimo, twagiragango barabeshya, turacyategereje abambuka umupaka kandi baramaze kuwambuka?

    April 2019

Inzindi nkuru

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1699 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7899 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1238 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21658 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7246 0

Rwanda:Hagiye gukoreshwa ikoranabuhanga mu gusaba uruhushya rwo gusohoka mu...

Nkuko Itangazo rya Polisi y’u Rwanda yashize ku rukuta rwayo rwa Twitter...
26 April 2020 Yasuwe: 2744 3