Perezida Kagame yazamuye mu ntera bamwe mu basirikare barwanira mu kirere

Amakuru   Yanditswe na: Dusingizimana Remy 6 February 2019 Yasuwe: 2643

Nyakubahwa Perezida wa Repubulika Paul Kagame yamaze kuzamura mu ntera yo hejuru abasirikare 16 bo mu ngabo zirwanira mu kirere aho yabakuye ku ntera yo hasi cyane,abasimbutsa amapeti menshi, abagira aba Ofisiye.

Nyuma yo gusoza amasomo y’ibijyanye n’indege za gisirikare,aba basirikare bari bafite ipeti ryo hasi bazamuwe mu ntera bagirwa aba Ofisiye.

Abasirikare 10 bari basanzwe bafite ipeti rya Kaporali (corporals) n’aho abandi 6 bari basanzwe bafite ipeti rito kurusha ayandi mu gisirikare (Private),ariko nyuma yo kurangiza amasomo yabo muri Sir John Kotelawala Defence University muri Sri Lanka bakahavana impamyabumenyi ibashyira ku rwego rwa "AERONAUTICAL ENGINEERS", bahise bahabwa n’Umugaba w’Ikirenga ipeti rya Lieutenant.

Aba basirikare bose bazamuwe bihambaye kuko hagati y’amapeti bari basanzwe bafite n’ipeti bahawe harimo amapeti menshi basimbutse. Ubusanzwe abasirikare bato, ari nabo rwego rwa mbere; haba harimo ipeti rya mbere abasirikare bato baheraho, ariko abafite iri peti nta kirango cy’ipeti ryabo kibaho, ahubwo bahabwa izina rya "Private" hakongerwaho izina ryabo. Irindi peti ribarizwa mu basirikare bato, ni irya Corporal, rigaragazwa n’ikirango cy’inyuguti ebyeri za ’V’.

Aba bose bavuye kuri aya mapeti, basimbuka ipeti rya Sergeant rigaragazwa n’ikirango cy’inyuguti eshatu za ’V’, basimbuka Ipeti rya Staff Sergeant, irya Sergeant Major, irya Warrant Officer II, irya Warrant Officer I ndetse n’irya Second Lieutenant bahita bahabwa irya Lieutenant.

Ingabo Zirwanira mu Kirere zigizwe n’imitwe y’indege ziguruka, Umutwe ushinzwe ubusugire bw’ikirere, n‘amashuri y’Ingabo Zirwanira mu Kirere.Izi ngabo zirwanira mu kirere ziyoborwa na Major General Charles Karamba.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble sam

    Perezida wacu turamukunda azatuyobore ubuziraherezo!

    7 February

Inzindi nkuru

Nyabihu : Umugabo arakekwaho kwica umugore we bari bamaranye ibyumweru 3...

Umugabo witwa TURIMUBYIZA Jean Nepo w’imyaka 21 y’amavuko ukomoka mu murenge...
17 October 2019 Yasuwe: 4780 0

Uburengerazuba n’Amajyepfo hashobora kugwa imvura idasanzwe mu mpera z’iki...

Ikigo cy’igihugu gishinzwe iteganyagihe cyongeye gutangaza ko imvura...
17 October 2019 Yasuwe: 1627 0

Perezida Kagame yibukije abinjiye muri Sena ko ubuyobozi ari amahirwe...

Nyakubahwa perezida wa Repubulika Paul Kagame yabwiye abinjiye mu mutwe...
17 October 2019 Yasuwe: 1171 0

Dr Iyamuremye Augustin niwe watorewe kuyobora Sena

Dr. Iyamuremye Augustin niwe watorewe kuyobora Sena y’u Rwanda muri manda...
17 October 2019 Yasuwe: 2580 2

U Rwanda na Uganda byihaye iminsi 30 yo kongera kuganira none yarenze nta...

Ku wa 16 Nzeri 2019, ni bwo abayobozi ku ruhande rwa Uganda n’u Rwanda...
17 October 2019 Yasuwe: 1322 0

Minisiteri y’Uburezi igiye gutegura uburyo yagaburira abanyeshuri...

Ministeri y’Uburezi iratangaza ko irimo gutegura politiki nshya ijyanye na...
17 October 2019 Yasuwe: 1110 0