startimes
startimes

Perezida Kagame yifatanyije n’umuryango wa senateri Bishagara washyinguwe uyu munsi [AMAFOTO]

Amakuru   Yanditswe na: Dusingizimana Remy 19 July 2019 Yasuwe: 5376

Nyakubahwa perezida wa Repubulika Paul Kagame yifatanyije n’umuryango wa Senateri Bishagara Kagoyire Thérèse,washyinguwe kuri uyu wa Gatanu nyuma yo y’igihe gito apfiriye muri USA azize uburwayi.


Sponsored Ad


Senateri Bishagara warwariye muri Amerika kuva muri Werurwe agatabaruka mu kwezi gushize,yasezeweho bwa nyuma kuri uyu wa Gatanu taliki ya 19 Nyakanga 2019 aho muri uyu muhango hasomwe ubutumwa nyakubahwa perezida Kagame yageneye umuryango we.

Mu butumwa Perezida Kagame yageneye umuryango wa Bishagara bwasomwe na Minisitiri muri Perezidansi Hon. Judith Uwizeye yagize ati “Tugize igihombo gikomeye. Tubuze umuyobozi wakundaga igihugu n’ abanyarwanda. Mu izina ryanjye bwite n’ iry’ umuryango wanjye nifatanyije n’ umuryango wa Hon. Senateri Kagoyire, muri ibi bihe by’ akababaro kandi awifurije gukomera”.

Mu gitondo cyo kuri uyu wa 19 Nyakanga 2019 nibwo umurambo wa Senateri Bishagara Kagoyire Thérèse wakuwe mu bitaro byitiriwe Umwami Faisal, imihango yo kumusezeraho mu cyubahiro ikomereza aho yari atuye mu mudugudu wa Kiyovu, akagari ka Kiyovu, mu murenge wa Nyarugenge mu karere ka Nyarugenge mu mujyi wa Kigali.

Igitambo cya Misa cyo gusabira Senateri Bishagara cyabereye muri Paruwasi ya Regina Pacis iherereye I Remera.

Ababanye na senateri Bishagara,barimo n’abo bakoranye muri sena bavuze ko ari umuntu wagiraga umurava mu kazi ke,agashyiraga imbere ubufatanye ndetse ko imirimo itandukanye yakoze yamwubatsemo inararibonye ryamufashije kuzuza imirimo yahawe muri sena.

Senateri Bishagara ngo yaranzwe no gushyira imbere inyungu z’igihugu n’abanyarwanda, agashyira imbere ubuvuzi, uburezi, ubumenyi, iterambere ry’umwana w’umukobwa n’umugore ndetse n’ibyateza imbere umuryango.

Senateri Bishagara yavutse kuwa 25 Ukuboza 1952, akaba yari umusenateri uhagarariye Intara y’Uburengerazuba. Yari afite impamyabumenyi y’icyiciro cya kabiri cya Kaminuza mu bijyanye n’ibinyabuzima (Molecular Biology Sciences).

Senateri Bishagara yitabye Imana kuwa Mbere, tariki ya 8 Nyakanga 2019, aguye mu bitaro bya John Hopkins biri muri Baltimore mu Mujyi wa Maryland muri Leta zunze Ubumwe za Amerika aho yivurizaga.Senateri Bishagara yashyinguwe mu irimbi rya Rusororo.







Amafoto:IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11435 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12030 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9328 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15688 3

Reba ibyo umuhanga w’umunyarwanda muri Science avuga kuri MUKOROGO birimo no...

Mu Rwanda no mu bihugu bitandukanye by’abirabura hakomeje kuvugwa amavuta...
18 July 2020 Yasuwe: 3524 0

Insengero zakomorewe nyuma y’igihe kinini zifunze kubera COVID-19

Inama y’Abaminisitiri yateranye kuri uyu wa 15 Nyakanga 2020,iyobowe na...
16 July 2020 Yasuwe: 3110 4