Perezida Museveni ari ku mwanya wa 5 mu bakuru b’ibihugu bya Afurika bakurikirwa n’abantu benshi kuri Twitter,inyuma ya Perezida Kagame

Amakuru   Yanditswe na: Martin Munezero 20 March 2019 Yasuwe: 3902

Umukuru w’igihugu cya Uganda Yoweri Kaguta Museveni, ari ku mwanya wa gatanu mu bakuru b’ibihugu bya Afurika bakurikirwa n’abantu benshi ku rubuga rwa Twitter, inyuma ya Nyakubahwa Paul Kagame w’u Rwanda.

Urubuga rwa Twitter rwashinzwe mu mwaka wa 2006, magingo aya rukaba ari rumwe mu mbuga nkoranyambaga rusurwa n’abantu benshi ku isi, aho buri munsi abagegera kuri miliyoni 100 barusura, mu gihe ubutumwa burunyuzwaho burenga miliyoni 500 buri munsi

Muri Weekend ishize Perezida Museveni yujuje abantu 1,001,865 bamukurikirana kuri uru rubuga, bimugira umukuru w’igihugu wa gatanu muri Afurika urukurikirwaho n’abantu benshi.

Perezida Uhuru Kenyatta wa Kenya ni we uza ku mwanya wa mbere mu bakuru b’ibihugu bya Afurika bakurikirwa n’abantu benshi kuri Twitter. Perezida Kenyata akurikirwa n’abangana na miliyoni 3 n’ibihumbi 620. Akurikiwe na Perezida wa Misiri Abdel Fattah el-Sisi ukurikirwa n’abangana na miliyoni 2 n’ibihumbi 300, mu gihe Buhari wa Nigeria aza ku mwanya wa gatatu n’abamukurikira miliyoni 1 n’ibihumbi 900.

Nyakubahwa Paul Kagame wa kane akurikirwa kuri Twitter n’abarenga miliyoni 1 n’ibihumbi 400.

Ku rwego rw’isi, Balack Hussein Obama wabaye Perezida wa 44 wa leta zunze ubumwe za Amerika ni we ukurikirwa na benshi kuri Twitter. Uyu munyacyubahiro ufite inkomoko muri Kenya akurikirwa n’abasaga miliyoni 105, bikubye hafi kabiri aba Donald Trump ukurikirwa n’abarenga miliyoni 59.

Umunyacyubahiro wa gatatu ukurikirwa na benshi ku isi ni Narendra Modi usanzwe ari Minisitiri w’intebe w’Ubuhinde. Bwana Modi akurikirwa n’abangana miliyoni 46 n’ibihumbi 500.

Mu bihugu duturanye, Jakaya Kikwete wahoze ayobora Tanzania na we ari mu bakurikirwa cyane kuri Twitter. Uyu afite abamukurikira bangana na miliyoni 1 n’ibihumbi 180, mu gihe John Pombe Magufuli kuri ubu uyobora Tanzania akurikirwa n’ibihumbi 558.

Ni mu gihe mu gice cy’Amajyepfo ya Afurika ukurikiranwa n’abantu benshi ari Julius Malema. Uyu mugabo ufatwa nk’impirimbanyi y’ubukungu akurikirwa n’abasaga miliyoni 2 n’ibihumbi 250, na ho Cyril Ramaphosa uyobora Afurika y’Epfo we akagira ibihumbi 464.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nsabimana Callixte “Sankara” yemeye ibyaha byose ashinjwa avuga ko n’inyoni...

Nsabimana Callixte “Sankara”, yemereye imbere y’urukiko ibyaha byose ashinjwa...
23 May 2019 Yasuwe: 3288 2

Sankara yagejejwe imbere y’urukiko aho agomba kwisobanura ku byaha 16...

Nsabimana Callixte uzwi nka Sankara wigambye ibitero bitandukanye byagiye...
23 May 2019 Yasuwe: 1742 1

Col.Byabagamba yavuze ko afungiwe mu Kato urukiko rutarabitegetse

Colonel Tom Byabagamba wahoze akuriye umutwe w’abasirikare barinda Perezida...
22 May 2019 Yasuwe: 4722 0

Ubushinjacyaha bwashyikirije dosiye ya Nsabimana Callixte “Sankara”urukiko

Ubushinjacyaha bwamaze gushyikiriza urukiko dosiye irimo ibirego bushinja...
22 May 2019 Yasuwe: 1818 0

Umwe mu bana batorotse gereza ya Nyagatare ku munsi w’ejo yafashwe

Umwana witwa Tuyishimire Alphonse watorotse Gereza y’Abana ya Nyagatare...
22 May 2019 Yasuwe: 2696 1

Mu mafoto reba Ingoro y’Inteko Ishinga Amategeko y’u Rwanda uburyo yahawe...

Ingoro y’Inteko Ishinga Amategeko y’u Rwanda imaze iminsi iri kuvugururwa...
22 May 2019 Yasuwe: 4137 0