Perezida Museveni yasabwe guha Gen. Kayihura umwanya muri guverinoma

Amakuru   Yanditswe na: Nsanzimana Ernest 8 March 2018 Yasuwe: 2962

Abayobozi b’ akarere ka Kisoro mu magepfo ya Uganda na bamwe mu bo mu ishyaka riri ku butegetsi NRM basabye Perezida w’ iki gihugu Yoweri Museveni guha Gen. Kale Kayihura uherutse kwirukanwa ku mwanya w’ Umuyobozi Mukuru wa Polisi umwanya muri guverinoma ya Uganda.

Akarere ka Kisoro gaherereye mu magepfo ashyira Uburengerazuba bwa Uganda gahana imbibi n’ u Rwanda gatuwe n’ abitwa Abafumbira.

Umuvugizi wa Njyanama y’ aka karere bwana Amos Hakizimana ku wa Kabiri tariki 6 Werurwe 2018 yavuze ko kwirukana Gen Kayihura ntahabwe umwanya ukomeye muri guverinoma bizacumbagiza umubano w’ aka karere n’ ishyaka riri ku butegetsi kuko Kayihura yari inkingi mu mubano wa NRM n’ akarere ka Kisoro.

Dail monitor yatangaje ko umuyobozi wungirije wa NRM Ramathan Ndikuyeza, nawe yavuze ko kwirukana Gen Kayihura ntahabwe undi mwanya ukomeye umwuka w’ ishyaka NRM wo gukorera abaturage mu buryo mu mpande zose z’ igihugu.

Yavuze ko Gen Kayihura akwiriye guhabwa umwanya w’ ubuyobozi muri Minisiteri hashingiwe ku buryo yubatse polisi y’ iki gihugu, akubaka za sitasiyo nyinshi za polisi n’ ibigo bya polisi agashakira n’ abapolisi moto n’ imodoka. Uretse n’ ibi kandi ngo yanashyizeho uburyo bwo gucunga umutekano bufasha mu gutahura ibyaha no kubirwanya bwitwa ‘community policing’.

Umujyanama w’ aho twagereranya no mu Ntara ya Nyundo akaba n’ umunyamabanga ushinzwe ubuzima Izdol Tumusime avuga ko Gen Kayihura ari inyangamugayo mu banyamurwanyo b’ ishyaka NRM haba mu nzego z’ ibanze ko ku rwego rw’ igihugu.

Ku Cyumweru tariki 4 Werurwe 2018 nibwo Perezida Museveni yirukanye ku mwanya y’ ubuyobozi Gen. Kale Kayihura wari Umuyobozi mukuru wa Polisi ya Uganda na Lt Gen Henry Tumukunde wari Minisitiri w’ Umutekano.

Nyuma y’ igihe gito Gen. Kayihura yirukanywe hamenyekanye amakuru avuga ko yarezwe mu rukiko Mpuzamahanga Mpanabyaha ICC kubera ibyaha bikomeye yakoreye Abanyarwanda baba n’ ababaga muri Uganda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble MATEKE

    Wa mugani politike ni mbi,kuko ituma abayijyamo bacura abandi.Iteka isanga abantu bakomeye mu ishyaka riri ku butegetsi,bahora bategeka kugeza bapfuye.Kuki batabisa abandi?Niba se Kale Kayihura yarakoreye neza igihugu,bivuga ko abandi bo batagikoreye?Igihe cyose mu isi hazabamo Egoism (kwikunda ushaka gucura abandi),ntabwo twagira amahoro.Nkuko bible ivuga,dukeneye ubwami bw’imana ngo budukize akarengane no kwikubira.Nubwo bwatinze,buzaza nta kabuza,buhindure ibintu nkuko dusoma muli Daniel 2,umurongo wa 44.

    March 2018

Inzindi nkuru

Nyamirambo:Abanyerondo bategetswe kurinda irimbi kubera ibisambo bitaburura...

Abanyerondo b’I Nyamirambo bategetswe kurinda irimbi riherereye ahitwa mu...
16 January 2019 Yasuwe: 1229 0

Umwarimu wa IPRC Gishari yatawe muri yombi azira gusinziriza umuhungu...

Umwarimu wigisha mu ishuri rikuru ry’ubumenyingiro rya IPRC Gishari...
15 January 2019 Yasuwe: 3297 3

Uko isi yiriwe kuwa 14 Mutarama 2019:Perezida Kagame yakiriye Perezida...

Perezida Teodoro Obiang Nguema wa Guinea Equatoriale yabaye perezida wa...
14 January 2019 Yasuwe: 872 0

Huye:Ababyeyi bajyanye abana ku ishuli basanga imyanya yaruzuye kandi ariho...

Ikibazo cy’ibigo by’amashuli gikomeje kuba ingorabahizi kuko REB yagiye...
14 January 2019 Yasuwe: 1633 1

Obiang Nguema yabaye perezida wa mbere usuye u Rwanda muri 2019

Perezida wa repubulika Paul Kagame arakira Perezida wa Guinée Equatoriale,...
14 January 2019 Yasuwe: 786 1

Perezida Kagame yasabye abayobozi guterwa isoni n’abantu barwaye...

Peredida wa Repubulika y’u Rwanda yasabye abayobozi batandukanye bari mu...
13 January 2019 Yasuwe: 553 0