Perezida wa Niger ategerejwe mu Rwanda mu irahira rya Perezida Kagame

Amakuru   Yanditswe na: Iyamuremye Janvier 13 August 2017 Yasuwe: 385

Perezida wa Niger Mahamadou Issoufou yamaze kwemeza ko azaba ari mu Rwanda mu irahira rya Perezida Paul Kagame wongeye gutorerwa kuyobora u Rwanda muri manda y’imyaka 2017-24.

Mu mpera z’icyumweru gishije nibwo Komisiyo y’amatora mu Rwanda, NEC yatangaje bidasubirwaho ko Paul Kagame watanzwe n’ishyaka FPR Inkotanyi ari we watsinze amatora y’Umukuru w’igihugu yabaye tariki 3 na 4 Kanama ku majwi 98.79 %.

Abayobozi mu nzego zitandukanye, abanyacyubahiro, ibikomerezwa n’abandi batandukanye bakomeje kwandikira Perezida Kagame bamwifuriza ishya n’ihirwe muri manda y’imyaka nubwo kugeza ubu hataratangazwa itariki azarahiriraho.

Abinyujije kuri Twitter mu mpera z’iki cyumweru, Perezida wa Niger, Issouffou yashimiye Kagame kubw’intsinzi yegukanye , anatangaza ko azitabira irahira rye.

Yagize ati “Nanone nshimiye umuvandimwe Paul Kagame kubw’intsinzi ye nziza. Nemeje ko nzaba ndi mu irahira ritaha.”

Perezida Kagame yahise ashimira Issouffou anamuha ikaze ati “Urakoze muvandimwe Issoufou Mahamadou. Uhawe ikaze i Kigali.”

Issoufou w’imyaka 66 y’amavuko yaherukaga mu Rwanda muri Gicurasi ubwo yitabiraga inama ya Transform Africa.

Ingingo y’102 mu Itegeko Nshinga rya Repubulika y’u Rwanda ryo muri 2015, ivuga ko mbere yo gutangira imirimo, Perezida wa Repubulika arahirira mu ruhame, imbere ya Perezida w’Urukiko rw’Ikirenga. Iyi ngingo ikomeza isobanura ko Perezida wa Repubulika arahira bitarenze iminsi mirongo itatu (30) nyuma y’itorwa rye, indahiro ye ikakirwa na Perezida w’Urukiko rw’Ikirenga.

Perezida wa Niger, Mahamadou Issoufou wayoboye umuhango wo gusoza Transform Africa 2017 (Ifoto/Village Urugwiro)
Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu bakora uburaya 100, haba harimo 46 barwaye SIDA

Ubushakashatsi bwagaragaje ko ikigero cy’ Abanyarwanda banduye agakoko...
6 December 2017 Yasuwe: 3258 0

Leta y’ u Rwanda yagurijwe miliyoni 125$ zo kugeza amashyanyarazi ku...

Kuri uyu wa mbere, u Rwanda rwasinyanye amasezerano na banki y’Isi...
4 December 2017 Yasuwe: 434 2

Umubyeyi yabuze umwana we w’imyaka 3 nyuma yo kumusiga aryamye mu Cyumba cye...

Umubyeyi witwa Kristy Woods ukomoka mu gihugu cya Leta zunze Ubumwe...
30 November 2017 Yasuwe: 1094 0

U Rwanda mu bihugu byafashe mu mugongo Misiri nyuma y’ igitero cyishe...

Guverinoma y’u Rwanda yihanganishije Igihugu cya Misiri n’abaturage bacyo...
25 November 2017 Yasuwe: 490 0

Gasabo: Uruhinja rwatoraguwe mu mugezi rwapfuye birakekwa ko rwatawe n’...

Mu gitondo cyo kuri uyu wa Gatanu tariki 17 Ukwakira 2017 abaturage bo mu...
17 November 2017 Yasuwe: 583 0

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 1063 2