Sano James wayoboraga WASAC yakuwe ku buyobozi ahita atabwa muri yombi

Amakuru   Yanditswe na: Iyamuremye Janvier 4 September 2017 Yasuwe: 2475

Sano James wari umuyobozi mukuru w’ ikigo cya Leta gishinzwe amazi isuku n’ isukura WASAC ari mu maboko ya Polisi y’u Rwanda guhera tariki ya 02 Nzeli 2017 akurikiranyweho gutanga amasoko mu buryo bunyuranyije n’ amategeko.

Sano James yakuwe ku buyobozi bwa WASAC mu mpera z’ icyumweru gishize. Itangazo ryashyizwe ahagaragara na Polisi y’Igihugu rivuga ko aba bombi batawe muri yombi ku wa 02 Nzeli 2017.

Sano James araregwa gutanga amasoko mu buryo bunyuranyije n’amategeko no gukoresha nabi ibifitiye rubanda inyungu. Ngo iperereza ryerekanye ko yatanze, binyuranyije n’amategeko, isoko rya miliyoni 61 ku kigo Cerrium Advisory Ltd.
Isoko ryari rigamije gutegura no gukoresha ibizamini ku bakozi bashya.

Ngo yatanze kandi mu buryo bunyuranyije n’amategeko isoko rya Leta ryo kubaka sitasiyo y’ivomero ry’amazi rya Kayenzi – Kamonyi ry’agaciro ka miliyoni 371 nta nyemezabwishyu y’ingano.

Sano James wahoze ari Umuyobozi w’Ikigo cy’Igihugu gishinzwe amazi n’isukura, Wasac.

Police kandi ivuga ko igikora iperereza ryo kumenya abafatanyije n’aba baregwa kugira ngo dosiye yuzuye yabo ishyikirizwe ubushinjacyaha.

Sano James yagiye ku buyobozi bw’Ikigo cy’Igihugu gishinzwe Amazi, Isuku n’Isukura (WASAC) muri Nyakanga 2014 ubwo Ikigo cyari gishinzwe Ingufu, Isuku n’Isukura (EWSA) cyaseswaga kigacibwamo ibigo bibiri byigenga aribyo Rwanda Energy Group (REG) na Water and Sanitation Corporation (WASAC).

Ku wa 02 Nzeli 2017 Perezida w’ u Rwanda Paul Kagame yakuye James Sano ku mwanya w’ ubuyobozi bukuru bw’ ikigo cy’ igihugu gishinzwe amazi isuku n’ isukura WASAC ashyiraho n’ abanyamabanga ba Leta muri Minisiteri nshya ebyiri ziherutse gushyirwaho.

James Sano yasimbujwe Bwana Aime Muzola nk’ uko bigaragara mu itangazo ryashyizwe ahagaragara n’ ibiro bya Minisitiri w’ intebe.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble mugenzi yves

    Turashimira Nyakubahwa Kagame kubwo gukurikirana aba bagabo, ariko na none nyabune ibyaha nibibahama bazahanwe ntituzumve ngo ejo mu gitondo mwabarekuye kuko ibi mwanditse nibyo muzi, ibyo mutazi ntibigira ingano cyane cyane kuri sano; yari yarubatse system ye bwite, agakiza uwo ashaka akabamba uwo ashaka. Mumukurikirane ku mishinga ibiri ya nzove kuko nayo ntawamenya uko yagenze,mukurikirane amasoko yatanzwe yose ku buyobozi bwe, ni amanyanga gusa. Imishinga yose wasac yahawe sano yarayiriye ,polisi izagere ahantu hose bubatse inganda cyangwa imiyoboro y’amazi bazasanga ntaho bihuriye nibyo bateganyaga cyangwa bishyuraga; ibintu byabaye muri wasac kuv yakwitwa ko ivuguruwe biteye ubwoba!

    2 months ago

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 804 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1523 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2382 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3132 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4739 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2992 0