Polisi yagaruje amayero 300,000 yari yibwe n’umukozi w’ibiro by’ivunjisha

Amakuru   Yanditswe na: Iyamuremye Janvier 30 July 2017 Yasuwe: 730

Itariki ya 29 Nyakanga, Polisi y’u Rwanda yagaruje amayero 300,000 yari yibwe n’umukozi w’ibiro by’ivunjisha byitwa UAE Exchange Company bikorera mu karere ka Nyarugenge, uyu mukozi akaba yitwa Nkubito Alexis.

Umuvugizi wa Polisi mu mujyi wa Kigali Superintendent of Police (SP) Emmanuel Hitayezu, yasobanuye uko byagenze avuga ati:”Ku itariki ya 27 Nyakanga, uyu mukozi shebuja (nyiri UAE Exchange Company) yamubwiye kohereza amayero Miliyoni eshatu mu Buhinde, we yohereza Miliyoni ebyiri na magana arindwi, abagombaga kuyakira babona bohererejwe atuzuye, nibwo bahamagaye uwagombaga kuyaboherereza barabimubwira, nawe ahita aza gutanga amakuru kuri Polisi, anavuga ko uyu Nkubito atohereje amayero yose nk’uko yari yayamuhaye, nibwo twahise tumufata

SP Hitayezu yavuze ko Nkubito akimara gufatwa yahise yemera ko yohereje amayero atuzuye, akavuga ko yahise ahamagara umuvandimwe we witwa Nkubana Pierre utuye mu karere ka Gatsibo akayamuha ngo abe ayamubikiye, ari naho Polisi yamusanze agasubiza aya mayero uko ari ibihumbi Magana atatu nta na rimwe riravaho.

Yaboneyeho umwanya wo gusaba abahuye n’ikibazo bose guhita batanga amakuru, kuko atuma ibyo bibwe bifatwa. Yavuze ati:”Abaturage bamenye ko gutangira amakuru ku gihe bituma byorohera Polisi gukora perereza kandi bigatanga umusaruro nk’uko uyu wari wibwe yahise atanga amakuru amayero ye akaba yarahise agaruzwa.”

SP Hitayezu yanasabye abakozi cyane cyane abafite aho bahurira n’amafaranga kuba inyangamugayo no kudashaka gukira vuba cyane cyane ababikora mu buryo bunyuranyije n’amategeko, kuko iyo bafashwe babihanirwa, asoza anabasaba kutikuraho ikizere abakoresha babo baba babagiriye.

Mu gihe iperereza rikomeje, Nkubito abaye afungiye kuri Sitasiyo ya Polisi ya Remera.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Lungu ategerejwe I Kigali

Umukuru w’ igihugu cya Zambia Edgar Lungu kuri uyu wa Gatatu tariki 21...
21 February 2018 Yasuwe: 266 0

Umuturage yasabye Uganda kwemerera imfungwa n’ abagororwa gutora

Umuturage wa Uganda yandikiye urukiko rukuru rwa Kampala arugaragariza...
20 February 2018 Yasuwe: 189 0

Abamotari ntibumva impamvu bacibwa amande bakuyeho umugenzi

Abamotari ntibumva impamvu bacibwa amande bakuyeho umugenzi Abamotari...
17 February 2018 Yasuwe: 660 0

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 516 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2596 4

Umunya- Canada yitabye Imana bitunguranye avuye gusura ingagi mu...

Umukerarugendo James Trevor wari uvuye mu Birunga yafashwe n’ uburwayi bwo...
9 February 2018 Yasuwe: 3939 0