Polisi yasubije Rutongo Mines ibiro 540 bya Gasegereti byafatanwe ukekwa kuyagura n’abayibye

Amakuru   Yanditswe na: Iyamuremye Janvier 28 July 2017 Yasuwe: 254

Ku itariki 26 z’uku kwezi Polisi y’u Rwanda mu karere ka Rulindo yashyikirije Rutongo Mines Limited ibiro 540 bya Gasegereti yafatanye umugabo witwa Habanabakize Elias ukekwa kuyagura n’abayibye iyi Kompanyi.

Umuvugizi wa Polisi y’u Rwanda mu Ntara y’Amajyaruguru, Inspector of Police (IP) Innocent Gasasira yavuze ko ayo mabuye y’agaciro yafatiwe mu rugo rw’uyu mugabo w’imyaka 28 y’amavuko ruri mu kagari ka Migendezo, mu murenge wa Cyunuzi.

Yongeyeho ko ifatwa ry’ayo mabuye ribaye nyuma y’igihe gito iyi Kompanyi iregeye Polisi ko yayibwe; bityo ko nyuma yo kugezwaho icyo kirego yagenje icyo cyaha kugeza iyafatanye Habanabakize; hanyuma iyashyikiriza ba nyirayo.

IP Gasasira yagarutse ku buryo uyu mugabo yayafatanwe agira ati,"Polisi yabonye amakuru ko agura akanacuruza amabuye y’agaciro mu buryo bunyuranije n’amategeko, isaka inzu ye; hanyuma isangamo ibyo biro 540 bya Gasegereti ."

Yagize ati "Ubwo Habanabakize yafatanwaga ayo mabuye y’agaciro yasabwe ibyangombwa birimo ibimwemerera kuyagura no kuyagurisha ntiyagira na kimwe yerekana. Iperereza ry’ibanze rigaragaza ko ayo mabuye y’agaciro yafatanwe (Ibiro 540 bya Gasegereti) ari aya Rutongo Mines Limited."

Yavuze ko uyu mugabo afungiwe kuri Sitasiyo ya Polisi ya Murambi; naho ibyo biro 540 bya Gasegereti bikaba byarashyikirijwe ubuyobozi bw’iyi Kompanyi; kandi ko bwashimye Polisi ku buryo yakurikiranye ikirego bwayigejejeho kugeza ifashe ibyo yibwe n’ukekwa kubigura, ndetse ikabiyishyikiriza.

Umuvugizi wa Polisi y’u Rwanda mu Ntara y’Amajyaruguru yibukije ko nta muntu wemerewe kugura cyangwa gucuruza amabuye y’agaciro atanditse mu bitabo by’ubucuruzi nk’uko biteganywa n’ingingo ya 10 y’Amabwiriza ya Minisitiri w’Umutungo Kamere No 002/2012/MINIRENA yo ku wa 28/03/2012 agena uburyo bw’iyubahirizwa ry’ubuziranenge bw’amabuye y’agaciro mu karere.

Ingingo ya 438 yo mu gitabo cy’amategeko ahana ibyaha mu Rwanda ivuga ko umuntu wese ukora imirimo y’ubushakashatsi cyangwa iy’ubucuruzi bw’amabuyey’agaciro mu buryo butemewe n’amategeko, ahanishwa igifungo kuva ku mezi atandatu kugeza ku mwaka umwe n’ihazabu y’amafaranga y’u Rwanda kuva kuri miliyoni eshatu kugeza kuri miliyoni icumi cyangwa kimwe gusa muri ibyo bihano.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rutsiro: Iruhande rw’ I Kivu habonetse imibiri 25 y’ abishwe muri...

Mu gitondo cyo kuri uyu wa 18 Mata 2018, ahitwa mu Mazimeru Rugarambiro...
18 April 2018 Yasuwe: 991 0

CNLG yagaragaje ko kuba mu matsinda yo kuri interinete y’ abarwanya u Rwanda...

Umunyamategeko wa Komisiyo y’ igihugu yo kurwanya Jenoside yavuze ko kuba...
17 April 2018 Yasuwe: 1282 1

“Dufite abantu bafunze kuko babangamiye abana babo bababuza gushakana”...

Komisiyo y’ Igihugu y’ Ubumwe n’ ubwiyunge yagaragaje ko mu Rwanda ikintu...
16 April 2018 Yasuwe: 2325 0

Meya Uwanzwenuwe na perezida wa Ibuka bateye utwatsi amakuru yacicikanye...

Umuyobozi w’Akarere ka Nyabibu Uwanzwenuwe Theoneste n’Umuyobozi wa Ibuka mu...
14 April 2018 Yasuwe: 6236 1

Kwanga ivangura n’ amacakubiri bigomba guhera ku buyobozi- Senateri...

Perezida wa Sena y’ u Rwanda Bernard Makuza yavuze ko Jenoside yakorewe...
13 April 2018 Yasuwe: 437 0

‘Uwamukuye mu mirambo yafatanyaga na murumuna we kumufata ku ngufu’...

Mukanyana Vestine, nyuma y’ imyaka 24 nibwo yashoboye kuvuga akaga yahuye...
13 April 2018 Yasuwe: 7623 1