RCS yanyomoje amakuru akomeje kuvugwa ko Dr. Kayumba Christopher yapfiriye muri gereza

Amakuru   Yanditswe na: Martin Munezero 10 March 2020 Yasuwe: 4318

Urwego rw’igihugu rushinzwe Imfungwa n’Abagororwa (RCS) rwavuguruje amakuru akomeje gucicikana ku mbugankoranyambaga avuga ko Dr. Kayumba Christopher, washinze ikinyamakuru The Chronicles wigeze kuba n’umwarimu muri Kaminuza y’u Rwanda yapfuye aguye muri gereza.



RCS yavuze ko ayo makuru ari ibinyoma ahubwo ko ari muzima ndetse ameze neza aho afungiye by’agateganyo muri gereza ya Nyarugenge, kandi akaba asurwa kimwe n’abandi.

RCS yagize iti “RCS iranyomoza ibihuha biri gukwirakwizwa ku mbuga nkoranyambaga bivuga ko Dr. Kayumba Christopher yaba yapfuye. Ni muzima kandi ubu ameze neza, aho afungiye by’agateganyo muri gereza ya Nyarugenge, kandi arasurwa kimwe n’abandi bagororwa”.

Kuri uyu wa kabiri mu gitondo, hacicikanye ifoto ya email ku mbuga nkoranyambaga, ivuga ko Dr. Kayumba yapfuye.



Mu Kuboza umwaka ushize wa 2019, Dr. Kayumba yatsinzwe urubanza mu bujurire, ubu akaba afungiye muri gereza ya Nyarugenge.

Mu byaha ashinjwa harimo gusindira mu ruhame, gihanwa n’itegeko nomero 68/2018 ryo kuwa 30/08/2018, mu gitabo cy’amategeko ahana ibyaha mu ngingo ya 268.

Ashinjwa kandi icyaha cyo guteza umutekano muke ku kibuga cy’indege, gihanwa n’itegeko nomero 20/2018 ryo kuwa 29/04/2018, rigenga indege za gisivile, mu ngingo ya 41, igika cya mbere n’icya kabiri.



Ubushinjacyaha kandi buvuga ko Dr. Kayumba Christopher ashinjwa gushaka guhungabanya ibikorwa remezo ku kibuga cy’indege, icyaha Ubushinjacyaha buvuga ko gihanwa n’itegeko nomero 20/2018 ryo kuwa 29/04/2018.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3455 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1148 0

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3375 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 4007 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2074 0

Abarwaye Coronavirus mu Rwanda bageze kuri 54

Minisiteri y’Ubuzima yatangaje ko kuri uyu wa Gatanu tariki ya 27 Werurwe...
27 March 2020 Yasuwe: 1247 0