RDB yatangaje akayabo imaze kunguka kubera gufatanya n’ikipe ya Arsenal

Amakuru   Yanditswe na: Dusingizimana Remy 20 August 2019 Yasuwe: 1699

Ubuyobozi bwa RDB buratangaza ko nyuma y’umwaka ushize u Rwanda rusinyanye amasezerano y’imikoranire n’ikipe ya Arsenal yo mu Bwongereza,rumaze kubona inyungu ibarirwa muri miliyoni 36 z’amapawundi, ni ukuvuga asaga miliyari 36 FRW ndetse na ba mukerarugendo bariyongera cyane.

Umuyobozi Mukuru mu Kigo cy’Igihugu cy’Iterambere RDB, ushinzwe ubukerarugendo, Belise Kaliza yabwiye abanyamakuru ko nyuma y’aho u Rwanda na Arsenal bemeranyije gukorana,u Rwanda rwinjije miliyari 36 zose mu bukerarugendo.

Kaliza yavuze ko kuba Arsenal yambara “Visit Rwanda”ku myenda yo hejuru yambara mu kibuga,byatumye benshi muri ba mukerarugendo bagira amatsiko yo gusura u Rwanda.

Yagize ati “Mbere yo gusinya ayo masezerano 71 % by’amamiliyoni y’abafana ba Arsenal ntibabonaga u Rwanda nk’ahantu ho gusura ariko mu mpera z’umwaka wa mbere w’ubufatanye, kimwe cya kabiri cyabo babona u Rwanda nk’ahantu ho gusura.”

Yakomeje avuga ko uburyo bwamamaza ubukerarugendo bw’u Rwanda bwakozwe na Arsenal, bwageze ku bantu miliyoni 4.3,akaba asanga ari umusaruro ufatika.

Yagize ati “Bivuze ko ishusho yacu iri kubonwa n’abantu basaga miliyoni enye ku Isi. N’iyo wakoresha kwamamaza kuri Televiziyo ntiwabasha kubona abantu nk’aba. Ni igihamya ko bifite akamaro.”

Kaliza yavuze ko mu mwaka wa 2018 ba bakerarugendo bavuye mu Bwongereza baza mu Rwanda biyongereyeho 5 %.



Arsenal yafashije u Rwanda kwinjiza miliyari 36 FRW mu bukerarugendo nyuma y’umwaka umwe bamaze bakorana

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble murindwa Ferdinand

    Ariko sinzi imyumvire yabantu bize none 36 million yose bayakesha arsenal c’est Rwanda cg bakarebye ikinyuranyo cyayinjiraga mbere yuko hazaho visite Rwanda ? Ese iyo itabaho nta mukerarugendo numwe wari kuza ? Mujye musobanura ibintu neza niba ari inyongera kuyo twari dutegereje mugire amahoro

    4 weeks ago

Inzindi nkuru

Akarere ka Gatsibo karishye ihene z’abaturage 22 ziherutse kwicwa n’urukingo...

Akarere ka Gatsibo kakoze igikorwa cyiza cyo gushumbusha abaturage ba...
18 September 2019 Yasuwe: 449 0

Isoko rya Mimuli ryasenywe n’imvura nyinshi idasanzwe

Isoko rya Mimuli riherereye mu karere ka Nyagatare, Umurenge wa Mimuli,...
18 September 2019 Yasuwe: 918 0

Rusizi: Umwarimu yakubise umunyeshuli amuvuna ukuboko amuziza gutsindwa...

Umunyeshuli witwa Kwizera Patrick wigaga mu mwaka wa mbere w’amashuri...
18 September 2019 Yasuwe: 1558 0

RAB yabuze ibisobanuro imbere ya PAC ku isoko yatubuye rikava kuri...

Abadepite bagize Komisiyo Ishinzwe Kugenzura Imikoreshereze y’Imari...
17 September 2019 Yasuwe: 1522 3

Urubanza rwa wa muyobozi wa Goodrich TV uherutse gukubita umukobwa...

Urukiko rw’ibanze rwa Nyamirambo rwasubitse gusoma urubanza ku ifunga...
17 September 2019 Yasuwe: 3159 0

Umuyobozi wa Cholare Abarinzi uherutse gupfira mu mpanuka yashyinguwe

Uwari muyobozi wa Korali Abarinzi ya ADEPR Gasave, Mushimiyimana...
17 September 2019 Yasuwe: 4482 0