skol
startimes

Reba agahinda ka Mukakabera Florence aterwa n’abavuga ko umwana we w’umuhungu atwite,umenye n’uko yapfuye akazuka

Amakuru   Yanditswe na: Martin Munezero 19 February 2021 Yasuwe: 7795

Ukimubona ushobora gukeka ko arwaye indwara y’urushwima cyangwa se abandi bagakeka amarozi. Biziyaremye Thomas umusore w’imyaka 18 ufite uburwayi bukomeye amaranye imyaka 4.Kugeza ubu nta ndwara iramenyekana uyu musore arwaye.


Mukakabera Florence, umubyeyi wa Thomas aganira na AFRIMAX TV yavuze ko uyu mwana we agifatwa baketse ko ashobora kuba ari amarozi bituma bajya kwa muganga wa gakondo babona nta kintu bitanze,niko kujya kwa muganga usanzwe ariko nabwo ntibyabakundiye kuko ubushobozi bwababanye buke,ibyo basabwe gukora birananirana kugeza uyu munsi uyu mwana yabuze amafaranga yo kumunyuza mu cyuma (scanneur) kugirango abaganga babashe kumenya indwara arwaye iyariyo.

Umubyeyi wa Thomas yakomeje asobanura uko umwana we yafashwe aho yavuze ko yafashwe afite imyaka 15 y’amavuko,icyo gihe ngo yatangiye kubyimba amaguru, inda n’igitsina.

Uyu mubyeyi yavuze ko icyo gihe yakoze ibishoboka byose ajya kuvuza umwana we ndetse ubushobozi bugeraho buramushirana, inzu yari afite atayigurisha ndetse ajya no guhingira abandi kugirango abone ubushobozi,aza no gufashwa na Se wabo wa Thomas babana (Se wa Thomas yitabye Imana) bagakomeza gupfundikanya kugira ngo bazajyane umwana kwa muganga.

Uyu mubyeyi yaje kujya kwa muganga kuvuza umwana we aho yagiye Kibagabaga nyuma akaza kujya na CHUK. Yavuze ko abaturanyi be bamubaga hafi bakamufasha mu kumugemurira mu gihe Se wabo wa Thomas yamufashaga kumwoherereza amafaranga yo kugura imiti.

Uyu mubyeyi yavuze ko ubwo yajyaga kuvuza Thomas muri CHUK yagize ikibazo kuko amafaranga ibihumbi bitanu yari yajyanye yaje kumushirana bikamuyobera. Umugiraneza yamusanze yigunze aho kuri CHUK aramufasha amuha amafaranga ibihumbi bitanu abasha gutega arataha.

Umubyeyi wa Thomas yavuze ko kugeza ubu atarabona ubushobozi bungana n’amafaranga ibihumbi 40 yo kujya gucisha umwana we mu cyuma (scanneur) kubera ko ari umuhinzi.

Nubwo nta bushobozi buraboneka ariko Thomas agenda avomwa amazi ari mu nda ye aho umubyeyi we yavuze ko amaze ava mu nda y’umwana we aba afite ibara ryihariye. Umubyeyi wa Thomas yavuze ko inshuro ya mbere umwana we bakuvomyemi litiro 8 z’amazi. Umubyeyi wa Thomas yavuze ko ubusanzwe yabyaye abana bane gusa Thomas niwe wenyine asigaranye akaba aterwa agahinds kenshi nuko umwana umwe rukumbi yasigaranye nawe afite ubu burwayi bukomeye.

Umubyeyi wa Thomas yavuze ko umwana we atigunga ndetse ko akina n’abandi bana akanasabana nabo. Ubu burwayi bwa Thomas bwatumye areka amashuri ageze mu mwaka wa kane w’amashuri abanza.

Abaganga bavuraga Thomas babwiye umubyeyi we ko icyo yazize ari ubukene kuko iyo hataba ubukene, umwana we aba yarakize. Umubyeyi wa Thomas yavuze ko umwana we atajya yiheba nubwo uburwayi afite bukomeye ndetse akenshi buba burimo kumubabaza. Umubyeyi wa Thomas yavuze ko aterwa ipfunwe cyane n’abavuga ko umuhungu we atwite dore ko yavuze ko kera bamwitaga Mama Biziyaremye kuri ubu bakaba bamwita Mama wa wa mwana w’inda. Mu gusoza ikiganiro, umubyeyi wa Thomas yatanze numero ya telephone (0786234586) ku bifuza kubaha ubufasha.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble efre

    Birababaje, icyo gihe cyose, aturanye na Mutwarasibo na Mudugudu, uwagira icyo amufasha yamufasha ariko agane Umurenge bamusabire ubufasha ku Karere. Ajyane umwana kumuvuza.

    1 week ago

Inzindi nkuru

Nzayisenga Jeannine yahishuye uburyo abaturanyi be bavuga ko umugabo we...

Nzayisenga Jeannine ufite umyaka 24 y’amavuko. Yavuze ko uburwayi afite...
26 February 2021 Yasuwe: 7574 0

#MissRwanda2021:Umutesi Lea ushyigikiwe na Ali Kiba yahishuye umubano...

Ku mugoroba w’uyu wa Gatatu tariki 24 Gashyantare 2021,nibwo umuhanzi Ali...
26 February 2021 Yasuwe: 3776 0

Abashaka gukora ubucuruzi bwo kuri interineti baciwe intege n’amafaranga...

Ku wa Gatanu taliki ya 19 Gashyantare 2021, Urwego rw’Igihugu...
23 February 2021 Yasuwe: 3721 0

Umuhinde w’Umunyarwanda yahishuye uburyo abantu bamwibeshyaho bakamutuka...

Umuhinde ufite ubwenegihugu bw’u Rwanda witwa Muhamed yahishuye uburyo...
23 February 2021 Yasuwe: 5162 0

Umunsi Padiri Ubald yari kuzashyingurirwaho wahinduwe

Diyosezi Gatolika ya Cyagungu yatangaje ko umuhango wo gushyingura Padiri...
22 February 2021 Yasuwe: 5445 0

Kimihurura: Umusaza yiyahuriye mu rugo rw’umukwe we

Umusaza w’imyaka 85 yasanzwe yiyahuriye mu rugo rw’umukwe we ruherereye mu...
22 February 2021 Yasuwe: 6448 0