RGB yasabye ibigo by’amashuri kumenya gucunga neza ibya rubanda

Amakuru   Yanditswe na: Iyamuremye Janvier 26 August 2017 Yasuwe: 161

Urwego rw’igihugu rw’imiyoborere RGB rurasaba ibigo by’amashuri kumenya gucunga neza ibya rubanda kuko hari ibigo byinshi bifite iyo nenge yo kutanoza imicungire yabyo.

Bamwe mu banyeshuri ,abarimu ,n’abayobozi b’ibigo by’amashuri bitandukanye bya gikiristu bikorana n’umuryango Edfy bamaze imyaka 2 bigishirizwa hamwe amasomo yiganjemo imiyoborere ,aho umuyobozi agomba kumenya inshingano ,ibizwi nka Accauntability.

Ikigo cy’igihugu cy’imiyoborere RGB, kivuga ko mu mahame y’ibi bigo bya gikiristu harimo gukorera mu mucyo ,ibi rero ngo ntibihabanye n’ibyo leta isaba cyane cyane muri gahunda izwi nk’Uwikorera.

Nyamara ngo hari ibigo bikunda kugaragarza inenge yo kutamenya gucunga ibya rubanda ,abo ngo bagomba gushyira mu bikorwa ibyo bize bakabicunga neza kuko iyo bahombeje ibyo bigo baba bahombeje leta.

Umuryango utari uwa Leta edfy wagize uruhare mu kwigisha abaturuka muri ibi bigo bitandukanye, uvuga ko mu buhamya butangwa n’abahuguwe ari uko hari byinshi bimaze guhinduka yaba muri ibyo bigo cyangwa hirya no hino mu baturage ,bifuza ko ibi byakomeza gushyirwa mu bikorwa bityo ubuyobozi bwiza bukaba intumbero ya buri wese.

Bamwe mu banyeshuri biganye n’abarezi babo ndetse n’abayobozi b’ibigo by’amashuri aya masomo mu gihe kigera ku myaka ibiri ; bavuga ko hari ubumenyi bwinshi bafite bwiyongera ku bwo mu ishuri ku buryo ibi bitazabagora nibagera hanze y’amashuri ,bavuga ko ushobora kuba umuhanga wagera mu kazi kakakunanira kuko udafite ,imyitwarire mizima ,ndetse ngo ushobora kuba n’umuyobozi ,ariko waba utagirwa inama bikakunanira.

Ukurikije ibivugwa n’abigishije aya masomo ndetse n’abayigishijwe , bumvikanisha ko ubwenge bwo mu ishuri bugira umumaro ari uko bufatanyijwe n’umutima nama ndetse no gushyira mu gaciro ukita ku nshingano , cyakora koko hari ingero z’abagiye bananirwa kuyobora cyangwa kubana n’abandi kubw’imyitarire itari myiza ibibasira, bitabujije ko bize ari abahanga mu mashuri.

Kumenya ko icyo wifuza ko abandi bagukorera ari nacyo nawe ukwiriye kubakorera ni intego ibi bigo by’amashuri bisaga 24 mu gihugu bivuga ko ishobora gufasha buri wese , kutirengagiza ibyo ashinzwe ,agakora akiteza imbere bityo n’igihugu kikabyungukiramo.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 812 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1524 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2386 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3142 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4745 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2993 0