addresiya
startimes

RIB yasubije abasabye iperereza ryimbitse ku rupfu rwa KIZITO MIHIGO no ku cyaba cyaramuteye kwiyambura ubuzima

Amakuru   Yanditswe na: Martin Munezero 21 February 2020 Yasuwe: 24077

Umuryango wo muri Commonwealth urasaba ko uubuyobozi bw’u Rwanda bwizeza ko hazabaho “iperereza ryihutirwa kandi ryigenga” ku rupfu rw’umuhanzi Kizito Mihigo watangajwe ko yasanzwe yapfiriye muri kasho ya polisi ku wa mbere w’iki cyumweru.
Umunyamuziki Kizito Mihigo yari azwi cyane mu ndirimbo ziririmbirwa Imana, izivuga ku mahoro no ku bwiyunge.



Mu itangazo wasohoye ku munsi w’ejo ku wa gatatu, uwo muryango – Commonwealth Human Rights Initiative (CHRI) – uvuga ko iperereza “ritabogamye kandi ryigenga ricyenewe hisunzwe uburyo buteganywa n’amategeko” mpuzamahanga u Rwanda rwashyizeho umukono.

Marie Michelle Umuhoza, umuvugizi w’urwego rw’ubugenzacyaha rw’u Rwanda (RIB), aherutse kubwira BBC Gahuzamiryango dukesha iyi nkuru ko nta perereza risabwe n’umuryango wo mu mahanga rucyeneye kuko narwo nk’igihugu kigenga rubyishoboreye.

Madamu Umuhoza yasubizaga ku byasabwe n’undi muryango uharanira uburenganzira bwa muntu, Human Rights Watch, utarashize amakenga ibyavuzwe na polisi y’u Rwanda ko Kizito yiyahuye, na wo ahubwo ugasaba ko hakorwa iperereza ryigenga.

Sanjoy Hazarika, ukuriye ibikorwa byo mu mahanga muri CHRI, avuga ko nubwo leta y’u Rwanda itegereje ibizamini byo kwa muganga mbere yo kwemeza ibyatangajwe na polisi ku ikubitiro ko Kizito yiyahuye, hakorwa iryo “perereza ryimbitse ku bintu byamuviriyemo urupfu”.

Bwana Hazarika ati: “Igihe ni ikintu cy’ingenzi cyane kugira ngo ibimenyetso by’ingirakamaro bitabura…”

Uwo muryango ushamikiye kuri Commonwealth – iyi ikaba igizwe n’ibihugu bikoresha ururimi rw’Icyongereza ahanini byahoze bikolonizwa n’Ubwongereza – ufite icyicaro i New Delhi mu murwa mukuru w’Ubuhinde ariko ukagira n’ibiro i London n’i Accra muri Ghana.

Uvuga ko ushyize imbere guharanira iyubahirizwa ry’uburenganzira bwa muntu mu bihugu binyamuryango bya Commonwealth.

U Rwanda ni igihugu kinyamuryango cya Commonwealth guhera mu mwaka wa 2009.

Inama y’uyu mwaka y’abakuru y’ibihugu na za leta bo muri Commonwealth izwi nka CHOGM mu magambo ahinnye y’Icyongereza, iteganyijwe kubera i Kigali mu cyumweru cya tariki ya 22 y’ukwa gatandatu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2036 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 694 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 19731 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1022 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1819 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8049 0