startimes

RIB yataye muri yombi abahoze ari abayobozi umunani b’ibigo bikomeye mu Rwanda

Amakuru   Yanditswe na: Dusingizimana Remy 21 September 2019 Yasuwe: 4356

Mu gitondo cyo kuri uyu wa Gatandatu,taliki ya 21 Nzeri 2019, Urwego rw’Igihugu rushinzwe Ubugenzacyaha, rwatangaje ko rwafashe abantu umunani(08) bakekwaho gukoresha nabi cyangwa kunyereza umutungo wa Leta.



Abayobozi bafashwe barimo uwari Umuyobozi mukuru, uwari ushinzwe imishinga, Umuyobozi w’Ubutegetsi n’imali n’umukozi ushinzwe abakozi muri WDA; Umuyobozi ushinzwe ishoramali n’ushinzwe abakozi muri RSSB.

Aba biyongeraho uwari umuyobozi ushinzwe ubutegetsi n’Imali n’ushinzwe ibikoresho n’ubutegetsi muri WASAC.

RIB yanyujije ku rukuta rwayo rwa Twitter itangazo rigira riti “RIB yafashe abantu umunani bakekwaho gukoresha nabi, kunyereza umutungo wa Leta. Abo ni uwari Umuyobozi Mukuru, uwari ushinzwe imishinga, Umuyobozi w’Ubutegetsi n’Imari n’Umukozi ushinzwe abakozi muri WDA; Umuyobozi ushinzwe ishoramari n’ushinzwe abakozi muri RSSB. Uwari umuyobozi ushinzwe ubutegetsi n’Imali n’ushinzwe ibikoresho n’ubutegetsi muri WASAC.

Iperereza rirakomeje no mubindi bigo bya Leta byavuzweho kunyereza/ gukoresha nabi umutungo wa leta muri raporo y’Umugenzuzi mukuru w’Imali, kugira ngo ababigizemo uruhare bakurikiranwe kandi n’umutungo wa leta wanyerejwe ugaruzwe hashingiwe ku mategeko.

Mu batawe muri yombi harimo uwari Umuyobozi Mukuru wa WDA, Gasana Jérôme n’uwari ushinzwe imari n’ubutegetsi muri iki kigo.

Abo kandi barimo uwari Umuyobozi ushinzwe Imari muri WASAC, Ruhinyura Joseph n’ushinzwe ibikoresho n’ubutegetsi, Nyiringango Alfred. Bombi bari barirukanywe mu 2017.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble gatare

    KWIBA ni kimwe mu byaha bikorwa cyane ku isi.Muli ibyo harimo Kubeshya no Gusambana.Ababikora,akenshi baba bagamije gushaka ubukire cyangwa kwishimisha.Bakirengagiza ko Imana yaturemye ibitubuza.Kuba bikorwa na Billions/Milliards z’abantu,byerekana ukuntu abantu badatinya imana.Bibagirwa ko ku gihe cya Nowa Imana yigeze kurimbura abanyabyaha bose hamwe n’abiberaga mu gushaka ibyisi gusa ntibashake Imana.Harokotse abantu 8 gusa,muli millions nyinshi zari zituye isi yose.Yesu wavuze iyo nkuru muli Matayo igice cya 24,yavuze ko ariko bizagenda nagaruka ku munsi w’imperuka.Bisobanura ko nanone hazarokoka abantu bake.Gushaka gukira cyangwa kwishimisha ukora ibyo Imana itubuza,ni ukutagira ubwenge (wisdom),kubera ko bizabuza ababikora kubona ubuzima bw’iteka no kuzazuka ku munsi wa nyuma ushobora kuba utari kure.

    September 2019

Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4606 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2094 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1635 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1767 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 961 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1587 0