startimes

RIB yataye muri yombi umuforomo wa CHUB ukekwaho kwica umuntu no gushaka gutorokana miliyoni 1,7 FRW y’ibitaro

Amakuru   Yanditswe na: Dusingizimana Remy 11 November 2019 Yasuwe: 4965

Urwego rw’igihugu rw’Ubugenzacyaha,rwafashe umuforomo witwa Ntawuhiganayo Narcisse ukekwaho kwiba amafaranga angana na miliyoni n’ibihumbi 700 FRW mu bubiko bw’ibitaro bya kaminuza y’I Huye,CHUB I Huye ndetse arakekwaho kwica umusore witwa Iriboneye Felix wacuruzaga amakarita yo guhamagara.



Uyu Ntawuhiganyo yafashwe ubwo yageragezaga gusohoka mu gihugu, akaba yafatanywe angana na 1.700.000 Frw yari agiye gutorokana ariko nyuma mu biro bye baje gusangamo umurambo wa Iriboneye.

Nkuko amakuru dukesha ikinyamakuru Umuseke abitangaza, uyu Ntawuhiganayo Narcisse arakekwaho kandi kwica umusore wacuruzaga amakarita yo guhamagara (Me2You) witwa Iriboneye Felix, ni umusore uri mu kigero k’imyaka 28 warangije kminuza mu mwaka wa 2017.

Ntakirutimana Sylvain mugenzi w’uyu wishwe, yabwiye Umuseke ko ku wa Gatandatu w’icyumweru gishize, bwije batabonye mugenzi wabo, Iriboneye Felix, batangira kwibaza aho yaba ari, bajya kuri RIB kubaza niba imufite, basanga atariho ari.

Ntakirutimana avuga ko bagenzi be bacururizaga hariya hafi bari bamubwiye ko baherukaga kumubona yinjira kwa muganga agiye gutanga amakarita yo kwitabiraho ariko ngo ntibongeye kumubona asohoka.

Ati ”Twe twari twamubuze turashakisha kugeza ubwo jye nigiriye kuri Polisi kubaza niba baba bamufite bambwira ko nta we bafite, bampamagaye kuri uyu wa mbere, bambwira ngo nze ndebe umurambo w’umusore babonye niba ari uwa mugenzi wange, mpageze nsanga ni we bamwishe nabi bamunize ndetse nsanga uwamwishe yari yamuboshye amaboko.”

Umuvugizi w’urwego rw’Ubugenzacyaha, (RIB) Marie Michelle Umuhoza yabwiye iki kinyamakuru ko bamaze guta muri yombi uyu Ntawuhiganayo ukekwaho ibi byaha akaba afungiye kuri Polisi i Huye.

Ati ”Amakuru y’uko yishe uyu mwana yatugezeho ubu turimo turakurikirana ngo turebe niba iki cyaha yaragikoze.”

Impamvu Ntawuhiganayo ari gukekwaho kwica nuko umurambo we wasanzwe mu biro yakoreragamomu bitaro bya Kaminuza, CHUB.

RIB yatangaje kuri Twitter yayo ko yataye muri yombi uyu Ntawuhiganayo akekwaho gushaka gutorokana amafaranga agera kuri 1.700.000 yakuye mu bubiko bw’ibitaro bya CHUB.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1711 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1575 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1746 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 946 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3537 1