RIB yavuze ku rupfu rwa Habumuremyi Telesifore uherutse gupfira muri kasho y’umurenge

Amakuru   Yanditswe na: Martin Munezero 13 February 2020 Yasuwe: 14569

Ku wa gatatu w’icyumweru gishize tariki ya 5 Gashyantare 2020, nibwo umugabo witwa Habumuremyi Telesphore, Abadaso bamujyanye ku murenge wa Ruhunde bajya kumufungirayo, ahamaze iminsi itatu ahita apfa.



Abo mu muryango wa nyakwigendera, babwiye Rwandatribune.com ko bababajwe nuko babatwaye umuntu nta gihanga bamufatanye bikarangira aguye mu biro by’umurenge.

Uwamalayika Solange, umugore wa nyakwigendera, mu ijwi ryumvikanamo agahinda yabwiye Rwandatribune.com ko umugabo we nubwo yaketsweho ibiyobyabwenge, hashize imyaka ibiri n’igice atabicuruza.

Yagize ati” Kuva yafungwa 2014 agafungurwa, ntiyonmgeye kubicuruza, akiva muri Gereza ya Ruhengeri yaraje arambwira ati dufate isuka duhinge ibi sinazabivamo”.



Mukamalayika akomeza avuga ko, uko yagendaga amugemurira yasangaga ubuzima bwe bwahindutse.

Ati:”Ku wa kane njyayo nasanze ari gutetema mbwira umuyobozi w’umurenge ngo umugabo wanjye ko ameze nabi undi ati nashake azagwemo apfa kuba ari umurembetsi”.

Ku wa mbere, tariki ya 10 Gashyantare 2020, mu Mudugudu wa Gashishori mu Kagari ka Gatare mu Murenge wa Ruhunde mu Karere ka Burera, abaturage bari bategereje ko umurambo wa Habumuremyi Telesphore uzanwa ngo bawushyingure barawubura.



Umuvugizi w’Urwego rw’Igihugu rw’Ubugenzacyaha RIB Marie Michel Umuhoza, yabwiye Rwandatribune.com ko kuba umurambo utaragera kuri bene wo ngo bawushyingure, bakiri kuwukoraho ibizamini kugira ngo harebwe ikishe uwo muturage.

Yagize ati:”RIB irimo irakora iperereza kugira ngo imeneye kugira ngo imeneye icyateye urupfu

rwe, kandi ibikorwa by’iperereza bikorwa mu ibanga niko amategeko abiteganya ariko iriho irakora iperereza kugira ngo ukuri kumenyekane”.

Umuvugizi wa RIB Umuhoza Marie Michel, akomeza avuga ko amakuru yose yamenye ku rupfu rwa Habumuremyi ari gukorwaho iperereza, hagaragara ko hari ibikorwa byabaye bihanwa n’amategeko bikaba byashyikirizwa ubutabera.

Kugeza ubu ntiharamenyekana umunsi n’isaha umurambo wa Habumuremyi uzashyingurirwaho, dore ko ubwo twakoraga iyi nkuru abaturage bo mu mudugudu wa Gashishori mu murenge wa Ruhunde, babwiye Rwandatribune ko umurambo utari wabageraho.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Lewis

    Birababajye rwose.

    1 month ago
  • chat_bubble Lewis

    Birababajye rwose.

    1 month ago
  • chat_bubble ubonabaseka jules

    Yooooo gusa birababaje nihakorwe iperereza rwose. Gusa nyagasani amwakire twifatanyije nuwo muryango wajyize ibyago rwose

    1 month ago
  • chat_bubble sezikeye

    Igituma iyi si ibambi,nuko abantu.nubwo bitwa Abakristu ku izina gusa,banga kumvira inama Yezu yaduhaye muli Matayo 7:12 havuga ngo:"Icyo utifuza ko cyakubaho ugomba kwirinda kugikorera abandi".Kuba abantu banga kwishyira mu mwanya w’abandi,biteza akaga iyi si.Nibyo biteza intambara,ubusambanyi,ubujura,ruswa,akarengane,imishahara isumbana cyane kandi abantu baba bakorera Leta imwe,etc...Tujye twumva ukuntu isi izaba Paradizo dutegereje ivugwa muli 2 Petero 3:13 izaba nziza cyane,kubera ko izaba ituwe n’abantu bakundana gusa kandi bumvira Imana.Abakora ibyo itubuza,bose izabarimbura ku Munsi wa nyuma.Duharanire kuzaba muli iyo paradizo,dushaka Imana cyane.

    1 month ago
  • chat_bubble

    Birababaje kuba harahantu abantu bagipfa gupfa kenyege muri vision tugezemo, abo bayobozi buwo murenge babiryozwe.

    1 month ago
  • chat_bubble Bebe

    Uwoxmuyobozi wumurenge ntakigenda cye pee.Numuyobozi ku izina gusa.Ubwose niyo byibura atabwira amagambo mabi uwo mubyeyi.Azakurikiranwe peee ntago aribyo

    1 month ago

Inzindi nkuru

U Rwanda rwahawe amafaranga Miliyari 11 zo guhangana n’icyorezo cya...

Banki y’Isi ibinyujije mu Kigega Mpuzamahanga Gitsura Amajyambere (IDA),...
8 April 2020 Yasuwe: 1248 0

#Kwibuka26:Police y’u Rwanda yijeje Abaturarwanda umutekano usesuye

Kuva tariki ya 07 Mata abaturarwanda, inshuti z’u Rwanda ndetse n’Isi yose...
8 April 2020 Yasuwe: 344 0

Gasabo:Bamwe mu bari bafungiwe muri Kasho bafunguwe kubera Coronavirus

Ubushinjacyaha ku rwego rw’ibanze n’urwisumbuye mu karere ka Gasabo bwarekuye...
7 April 2020 Yasuwe: 1691 0

Apotre Mukabadege Liliane yatawe muri yombi na Polisi y’u Rwanda

Umushumba w’itorero Umusozi w’ibyiringiro Apôtre Mukabadege Liliane yatawe...
6 April 2020 Yasuwe: 3122 1

Nyarugenge:Abantu 2 bagaragaye mu mashusho bakubita ukekwaho kwiba Telefone...

Kuwa Gatatu tariki 1 Mata 2020 nibwo ku mbuga nkoranyambaga hasakajwe...
4 April 2020 Yasuwe: 3092 0

Abakorera Siporo hanze y’ingo zabo bagiriwe inama na Polisi

Polisi y’u Rwanda iributsa abaturarwanda ko nta muntu wemerewe gusohoka mu...
3 April 2020 Yasuwe: 1865 0