Robot yitwa Sophia yatangaje benshi kubera imbwirwaruhame yatanze muri #TAS2019

Amakuru   Yanditswe na: Dusingizimana Remy 15 May 2019 Yasuwe: 3306

Imashini kabuhariwe ifite ubwenge budasanzwe yitwa “Sophia”,yashimishije abitabiriye inama ya Transform Africa 2019,ubwo yabagezagaho imbwirwaruhame mu ndimi zitandukanye zirimo n’Ikinyarwanda.

Iyi Robot yitwa Sophia, yavuze ko nubwo ari ubwa mbere igeze mu Rwanda,yashimishijwe n’ukorwateye imbere mu ikoranabuhanga rihagaze aho yakomoje kubya Tap&Go n’ibindi.

Umunyamakuru Nozipho Mbanjwa wa CNBC Africa uyoboye ibiganiro, niwe watangiye ikiganiro na Sophia aramusuhuza ati ‘Wiriwe Sophia’ (Good afternoon Sophia), iribeshya iti“Waramutse!” (Good Morning), mwakoze kuntumira.”

Mbanjwa yakomeje ati “waba uzi ahantu uri”, Sophia ati “cyane, ndi mu mujyi mwiza wa Kigali mu Rwanda, muri Afurika y’Iburasirazuba.”

Sophia yabwiye Mbanjwa ko ivuga neza Icyongereza, n’izindi ndimi nke nk’Igifaransa, Icyarabu n’Igiswahiriihita inasuhuza mu Kinyarwanda ngo “Muraho neza!”

Yahise ibaza niba ibivuze neza, Mbanjwa ati ‘wagerageje.”

Sophia yahise yakomeza imbwirwaruhame, ivuga ko yishimiye kuba i Kigali mu nama ya Transform Africa, ivuga ko Africa imaze gutera imbere mu gukoresha ikoranabuhanga mu buhinzi hakoresha utudege twuhira,n’ibindi.

Yagize iti “Hano mu Rwanda mufite ikoranabuhanga ryifashishwa mu kwishyurana mu buryo bw’ingendo n’uburyo bw’ikornabuhanga bufasha abantu kugera kuri serivisi zitandukanye za leta. Ibishya bihangwa muri Afurika bigenda bigirira akamaro n’ahandi ku Isi, aho bimwe mu bingize byakozwe na iCog Labs ya Addis Ababa muri Ethiopia.”

Sophia yashimiye u rwanda kubera ikoranabuhanga rikoreshwa mu ngendo iti “Ati: “ Hano mu Rwanda mwateye imbere mu kwishyura ingendo mukoresheje ikoranabuhanga.”

Sophia ni imashini ifite imisusire nk’iy’abantu ikagira n’ubwenge butangaje, yakozwe n’Ikigo cyo muri Hong Kong cyitwa Hanson Robotics mu 2015. Yahawe ubushobozi bwo kuvuga neza Icyongereza n’izindi ndimi, no kugaragaza ibimenyetso bisaga 50 yifashishije isura yayo.

Umuhanga David Hanson wakoze Sophia yagendeye mu misusire y’abantu babiri: umugore we n’uwahoze akina filime uzwi nka Audrey Hepburn.Imbere igaragara nk’umuntu ariko igice cy’inyuma kigaragaza neza ko ari imashini igizwe n’utwuma twinshi, insinga na batiri itanga ingufu

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hashyizweho amabwiriza adasanzwe agenga abashoferi bo mu Rwanda batwara...

Urwego rw’ igihugu ngenzura mikorere RURA ryatangaje amabwiriza agenga...
14 September 2019 Yasuwe: 8584 7

Chorale Abarinzi yo muri ADEPR yakoze impanuka ikomeye umwe ahasiga ubuzima...

Chorale Abarinzi yo mu itorero rya ADEPR ku Mudugudu wa Kumukenke muri...
14 September 2019 Yasuwe: 6525 2

Perezida Kagame yakomoje ku kwegura igitaraganya kw’aba Meya no ku bagore...

Ubwo nyakubahwa yitabiraga inama ya Biro Politiki yateranyirije hamwe...
14 September 2019 Yasuwe: 4128 0

Karongi: Niringiyimana wahanze umuhanda wa kilometero 7 bikamuhesha guhura...

Umusore witwa Niringiyimana Emmanuel utuye mu murenge wa Murambi mu karere...
14 September 2019 Yasuwe: 9298 0

Umujyi wa Kigali wanyomoje Kidum wavuze ko bamubujije kuririmbira mu...

Umujyi wa Kigali wanyomoje amakuru yatanzwe n’umuhanzi Nimbona Jean Pierre...
14 September 2019 Yasuwe: 1607 0

Abanyarwanda bakoresha urubuga rwa Twitter bibasiye bikomeye Twagiramungu...

Abanyarwanda bakoresha urubuga rwa Twitter bibasiye Faustin Twagiramungu...
14 September 2019 Yasuwe: 7676 3