addresiya
startimes

Rubavu:Abaturage 5 bafunzwe bazira kwigaragambiriza urupfu rwa bagenzi babo barashwe bagerageza kwinjiza magendu

Amakuru   Yanditswe na: Martin Munezero 6 March 2019 Yasuwe: 3635

Abaturage batanu bo mu Mudugudu w’Isangano, Akagari ka Rukoko, Umurenge wa Rubavu ho mu karere ka Rubavu bari mu maboko ya Polisi y’igihugu bazira kwigomeka bakigaragambiriza urupfu rwa bagenzi babo barashwe bagerageza kwinjira mu gihugu ku buryo butemewe n’amategeko.



Mu ijoro ryakeye ni bwo bariya bantu batatu barashwe n’ingabo z’igihugu bagerageza kwinjira mu Rwanda baturutse muri Repubulika iharanira Demokarasi ya Congo. Abarashwe bafatanye imyambaro ya Caguwa bari bakuye mu gihugu cya Congo.

Aba batanu bafashwe kuri uyu wa gatatu bakurikiranweho gukora ibisa n’imyigaragambyo itemewe aho bakubise abashinzwe umutekano bakabakomeretsa babatera n’imisumari nyuma y’uko bagenzi babo barashwe bashaka kwinjiza magendu mu gihugu.

Nk’uko byatangajwe na Muhayimana Agnes uyobora umudugudu w’Isangano abafashwe bakomokamo, ngo nyuma y’iraswa rya bariya basore batatu bene wabo bahise barakara cyane ari na yo mpamvu bashatse kugirira nabi abashinzwe umutekano.

Ku rundi ruhande Col. Pascal Muhizi uyobora ingabo mu turere twa Rubavu, Nyabihu na Rutsiro yabwiye abaturage ko ibintu byo gupfa kwigaragambya atari ibyo mu Rwanda, bitewe n’amateka.

Colonel Muhizi yanavuze ko nta kuntu bari kumenya niba abarashwe atari abanzi, ngo kuko n’ubusanzwe abagaba ibitero mu Rwanda baturutse muri Congo baba bayobowe n’abakora ubucuruzi butemewe.

Ati”Ba bandi bose bajya batera, baturuka hariya kandi nta narimwe [umwanzi] yigeze atera adaherekejwe n’abacoracora [abacuruza magendu] kuko nibo babayobora. None se murashaka ko dukorana gute? Dukunde abacoracora bakorana n’umwanzi twibagirwe inshingano zacu? Ni byo mushaka? Twe tube abana beza tubareke baze babarimagure? Amahitamo ni ayanyu [ariko] mwabyemera, mutabyera, twebwe ntabwo tuzigera tubyemerera.”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mico

    Ibintu bibera mu Rwanda biteyisoni. Ibaze gufungwa kuko wagiye kwigaragambya kubera abantu bo muryango wawe bishwe.Kugezubu dufite version imwe gusa yabasilikare. Byinshi nyamara biteye kwibazwaho.

    March 2019

Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2107 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 765 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20661 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1035 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1875 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8085 0