Rubavu: Kurwanya umwuzure byinjijwe mu mihigo y’akarere

Amakuru   Yanditswe na: Nsanzimana Ernest 8 September 2018 Yasuwe: 281

Nk’uko bamwe mu batuye mu kagari ka Mahoko bakunze kubigarukaho ngo ubusanzwe muri ako gace nta mugezi wahahoze, ahubwo mu myaka mike ishize nibwo hatangiye gutemba utuzi duke duturuka ku isoko yitwa Bukeri natwo tuhanyura mu gihe cy’imvura gusa, ariko ngo mu minsi mike ishize ibintu byaje guhindura isura ubwo aka kagezi kuzuraga biturutse ku mazi y’imvura yasandaye mu ngo z’abaturage akimura abatari bake.

Ikibazo cy’aka kagezi kazengereje abaturage kandi cyanashimangiwe n’ubuyobozi bw’umurenge wa Kanama na bwo buvuga ko aka kagezi ka Bukeri ari kimwe mu bibazo bikomeye byugarije uyu murenge kuko kamaze gusenyera abatari bake ari nako kangiza imyaka y’abaturage nk’uko TUYISENGE Annonciata umunyamabanga nshingwabikorwa w’uyu murenge yabibwiye TV/Radio1.

Tv1 yatangaje ko, Ubuyobozi bw’akarere ka Rubavu buvuga ko hirya y’umugezi wa Sebeya nawo wakunze guteza akaga muri Rubanda aka kagezi ka Bukeri nako katoroshye ari nayo mpamvu ngo nubwo hari umushinga mugari wo guhangana n’iyi migezi yose ijya yuzura, ngo aka ka Bukeri ko gafitiwe gahunda yihariye kandi yihutirwa mbere y’uko imvura yakongera kugwa ari nyinshi, nk’uko ubuyobozi bw’aka karere bwabigarutseho mu kiganiro bwagiranye n’abanyamakuru kuri uyu wa gatatu.

Mu bihe by’imvura nyinshi biheruka akarere ka Rubavu ni kamwe mu twagezweho n’amakuba yaturutse ku iyuzura ry’imigezi inyuranye ikabonekamo irimo uwa Sebeya ni aka gato ka Bukeri, ari nayo mpamvu akarere ka Rubavu kavuga ko guhangana n’ikibazo cy’imyuzure ari kimwe mu byo gashyize imbere mu mihigo y’uyu mwaka wa 2018/2019.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Ibihumbi by’abitabiriye inama babwirwa ko barayisaruramo amadolari...

Abantu babarirwa mu bihumbi bazindukiye kuri Kigali Convention Center...
25 June 2019 Yasuwe: 3956 1

Ibyemezo by’Inama y’Abaminisitiri yo kuwa Mbere tariki 24 Kamena...

Kuri uyu wa Mbere, tariki ya 24 Kamena 2019, Inama y’Abaminisitiri idasanzwe...
24 June 2019 Yasuwe: 3507 0

Nyarugenge: Imodoka ya Coaster yabuze Feri igonga imodoka nyinshi zari...

Imodoka yo mu bwoko bwa Coaster ya kompanyi itwara abagenzi ya RFTC,yabuze...
24 June 2019 Yasuwe: 5228 1

U Rwanda rwungutse inkura 5 z’umukara rwakuye I Burayi

Ku nshuro ya mbere mu mateka habaye iyimurwa ry’inkura z’umukara eshanu...
24 June 2019 Yasuwe: 1988 0

Perezida Kagame yasabye abanyaburayi kugabanya kumva ko bari hejuru mu...

Nyakubahwa perezida Paul Kagame yasabye ibihugu byo ku mugabane w’Uburayi...
24 June 2019 Yasuwe: 1919 1

Dore amwe mu mazina ajimije abantu basigaye bakoresha iyo bagiye kugura...

Ubusanzwe umuntu agura agakingirizo agamije kwikingira indwara zandurira mu...
22 June 2019 Yasuwe: 5986 1