Rubavu: MIDIMAR yahaye imiryango 8 inzu zihangana n’umutingito

Amakuru   Yanditwe na: Iyamuremye Janvier 17 August 2017 Yasuwe: 452

Ku wa 16 Kanama 2017 ku bufatanye na Minisiteri y’Imicungire y’ibiza no gucyura impunzi imiryango 8 itishoboye yasenyewe n’ibiza ikananirwa kwiyubakira yashyikirijwe amazu 8 afite agaciro k’asaga miliyoni 43 n’ibikoresho by’ibanze.

Muri iki gikorwa abahawe amazu bashimiye imiyoborere myiza itumye bahabwa aya mazu bizeza kuzayafata neza ndetse no kutazatatira igihango gikomeye bagiranye n’abanyarwanda.

Umuyobozi w’Akarere ka Rubavu wungirije ushinzwe iterambere ry’Ubukungu Murenzi Janvier yashimiye buri wese wagize uruhare mu iyubakwa ry’aya mazu by’Umwihariko MIDIMAR n’Inkeragutabara anizeza ko ku bufatanye n’abaterankunga Akarere kazakomeza ubuvugizi bityo aba baturage bakazanagezwaho ibikorwa remezo birimo amazi,amashanyarazi n’ibindi.


Ku ruhande rw’Inkeragutabara zubatse aya mazu General Ngendahimana Jerome Umuyobozi w’Inkeragutabara wungirije yashimiye imikoranire iboneye yaranze impande zose ashimangira ko nyuma y’urugamba rwo kubohora igihugu hakurikiyeho urugamba rwo guharanira imibereho myiza y’Abanyarwanda.

Izi nzu zifite ubushobozi bwo guhangana n’umutingito kuko fondasiyo zazo zashyizwemo ibikoresho bikomeye birimo mabuye. Inkuta zazo zirimo inkingi zituma inzu idahirima naho ibisenge byazo biraziritse kuburyo bitagurukanwa n’umuyaga.

Minisitiri Mukantabana uyobora Minisitere y’imicungire y’ibiza no gucyura impunzi (MIDIMAR) yavuze ko zubatswe aho (hafi y’umupaka w’u Rwanda na Congo (DRC) kuko bizeye imyubakire kandi zikazajya zireberwaho n’abandi bashaka kubaka kugira ngo birinde kugerwaho n’ibiza.

Abaturage bishimiye inkunga bahawe

Agira ati “Turasaba abanyarwanda gufata amazi ava ku nzu, gusibura inzira z’amazi muri iki gihe cy’imvura tugiyemo, kuzirika ibisenge aho bitaziritse neza, naho abubaka tubasaba kurebera ku mazu turi kubaka ahangana n’imiyaga n’imitingito.”
Mu Karere ka Rubavu habarurwa imiryango 400 ituye mu manegeka. Iyindi 1500 iracyatuye itatanye.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Impanuka yahitanye umugore wari ugiye gushyingura umwana wa musaza...

Impanuka y’ikamyo yabereye mu karere ka Muhanga yahitanye umugore wari uvuye...
20 September 2017 Yasuwe: 8608 3

Minisitiri Kaboneka na Minisitiri Busingye basanze Gicumbi isinziriye

Minisitiri w’ ubutegetsi bw’ igihugu Francis Kaboneka na Minisitiri y’...
20 September 2017 Yasuwe: 2014 1

Gisagara: Umukecuru ufite umubiri wazanye amagaragamba avuga ko byatewe n’...

Umukecuru wo mu karere ka Gatsibo uri mu kigero cy’ imyaka 55 uruhu rwe...
20 September 2017 Yasuwe: 4112 0

Meya Habitegeko araburira abaturage bahabwa ifumbire bakayigurisha mu...

Umuyobozi w’ akarere ka Nyaruguru Francois Habitegeko araburira abaturage...
17 September 2017 Yasuwe: 582 0

Iperereza ry’ ibanze ku rupfu rwa Pasiteri Maggie ryagaragaje ko yishwe...

Polisi y’ u Rwanda yatangaje ko iperereza ry’ibanze ryagaragaje ko Pasiteri...
16 September 2017 Yasuwe: 4806 1

Rusizi: Umuturage yishwe n’ isasu ryaturutse muri Congo

Iyamuremye Samuel wo mu Karere ka Rusizi, ku mugoroba wo kuri uyu wa...
16 September 2017 Yasuwe: 1116 0