Rubavu: Umukongomanikazi yafatanwe amadolari ya Amerika 1,400 y’amiganano

Amakuru   Yanditswe na: Iyamuremye Janvier 4 August 2017 Yasuwe: 275

Polisi y’u Rwanda mu karere ka Rubavu ifunze umugore ufite ubwenegihugu bwa Repubulika Iharanira Demokarasi ya Kongo witwa Sifa Wabusheru Divine nyuma yo kumufatana inoti 14 z’Amadolari ya Amerika y’amiganano.

Umuvugizi wa Polisi y’u Rwanda mu Ntara y’i Burengerazuba, Chief Inspector of Police (CIP) Theobald Kanamugire yavuze ko uyu mugore w’imyaka 31 y’amavuko (nk’uko ibyangombwa bye bibigaragaza) yafatiwe ku mupaka w’igihugu cye n’U Rwanda (aho bita kuri Grande Barrière), ni mu kagari ka Kivumu, mu murenge wa Gisenyi.

Yasobanuye uko yafashwe agira ati,"Nk’uko bisanzwe ku bantu bose binjira mu Rwanda, Abapolisi b’u Rwanda bakorera aho hantu basatse umutwaro w’uwo mugore basangamo ayo madolari y’amiganano, baramufata, bamujyana aho afungiwe kuri Sitasiyo ya Polisi ya Gisenyi."

CIP Kanamugire yibukije ko amafaranga y’amiganano agira ingaruka mbi ku bukungu; bityo asaba buri wese gutanga umusanzu mu kurwanya ikorwa n’ikoreshwa ryayo aha Polisi amakuru atuma ikumira ibyo byaha no gufata ababikora.

Yakomeje ubutumwa bwe avuga ko amafaranga y’amiganano ateza igihombo umuntu uyahawe; hanyuma agira abantu inama yo gusuzuma amafaranga bahawe mbere y’uko uyabahaye agenda; kandi baramuka batahuye ko ari amiganano bakabimenyesha Polisi y’u Rwanda cyangwa izindi nzego z’umutekano zibari hafi.

Yashishikarije kandi abacuruzi n’abandi bakira amafaranga menshi kugura imashini itahura amafaranga y’amiganano kugira ngo birinde igihombo bashobora guterwa no kuyakira.

Umuntu wese, ku bw’uburiganya wigana, uhindura cyangwa wonona amafaranga y’ibiceri akoreshwa mu Rwanda cyangwa mu mahanga, impapuro zifite agaciro k’amafaranga y’igihugu zisinywe na Leta, ziriho tembure yayo cyangwa ikirango cyayo, inoti zemewe cyangwa izindi mpapuro zikoreshwa mu Rwanda cyangwa mu mahanga, n’uzana cyangwa ukwizamu Rwanda izo mpapuro n’izo noti azi ko ziganywe cyangwa ko zahinduwe, ahanishwa igifungo kirenze imyaka itanu kugeza ku myaka irindwi nk’uko biteganywa n’ingingo ya 601 yo mu gitabo cy’amategeko ahana ibyaha mu Rwanda.

Ingingo yacyo ya 602 ivuga ko umuntu wese ukora ibyaha biteganyijwe mu ngingo ya 601 y’iri tegeko ngenga mu rwego mpuzamahanga, ahanishwa igifungo kuva ku myaka irindwi kugeza ku myaka icumi .

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uko Isi yiriwe tariki 25 Gicurasi 2018 [AMAFOTO]

Inshamake y’ uko isi yiriwe kuri uyu wa 25 Gicurasi 2018 harimo uko Perezida...
25 May 2018 Yasuwe: 1165 0

Gicumbi: Meya n’ abari bamwungirije begurijwe rimwe kubera amakosa...

Inama njyanama idasanzwe y’Akarere ka Gicumbi yeguje MUDAHERANWA Juvenal...
25 May 2018 Yasuwe: 717 0

Ubukungu bwose Afurika ikeneye ngo dutere imbere turabufite – Min....

Minisitiri w’Umuco na Siporo Uwacu Julienne asanga abanyafurika batakwiye...
24 May 2018 Yasuwe: 364 0

Uko isi yiriwe tariki 22 Gicurasi 2018 [AMAFOTO]

Mu nshamake y’ uko Isi yiriwe tariki 22 Gicurasi harimo ko Diane Rwigara na...
22 May 2018 Yasuwe: 2779 0

Ngoma: Abageni bategereje ubasezeranya bubiriraho

Abasore babiri n’ abakobwa babiri bagiye gusezeranira imbere y’amategeko mu...
21 May 2018 Yasuwe: 1692 0

Kayonza: Umukozi wa SACCO ya Murundi arakekwaho kurigisa arenga 55 000 000...

Polisi y’u Rwanda ifatanyije n’Urwego rw’Igihugu rw’Ubugenzacyaha mu karere ka...
20 May 2018 Yasuwe: 1001 0