Rusizi: Imiryango irenga 28 yasenyewe n’imvura iri kurara hanze

Amakuru   Yanditswe na: Dusingizimana Remy 17 March 2019 Yasuwe: 1150

Ku munsi w’ejo nibwo imvura idasanzwe yaguye mu karere ka Rusizi yangiza amazu menshi y’abaturage ndetse abagera kuri 13 barakomereka bikomeye nyuma yo kugwirwa n’ibikuta by’amazu.

Kuri uyu Gatandatu Taliki ya 16 Werurwe 2019, ahagana saa munani z’amanywa, imvura ivanze n’umuyaga mwinshi yibasiye imirenge ya Gikundamvura na Gitambi yo mu karere ka Rusizi mu Burengerazuba bw’u Rwanda isenya amazu arenga 28 arimo n’ay’uruganda rwa Kawa.

Abashinzwe gukurikirana imirimo y’urwo ruganda babwiye Ijwi ry’Amerika ko bacyegeranya imibare ngo bamenye neza agaciro k’ibyangiritse, ariko toni 18 z’ikawa zo zatwawe n’umuyaga izindi zangizwa n’iyo mvura.

Bwana Augustin Nkurunziza uyobora uru ruganda, avuga ko igihombo kitoroshye, amaso bayahanze ibigo by’ubwishingizi, ariko imirimo y’uruganda yo yabaye ihagaze.

Si amazu yasenyutse gusa, kuko imyaka yari ihinze ku buso bw’ubutaka bungana na Hegitari zirenga 600 nayo yangiritse; abaturage bakavuga ko bafite impungenge y’inzara izakurikira ibi biza.

Bwana Euphrem Kayumba uyobora akarere ka Rusizi, yatangaje ko barimo kuvugana na ministeri ishinzwe ibikorwa by’ubutabazi ku buryo abo baturage bagobokwa bakabona aho baking umusaya.

Benshi mu bagwiriwe n’ibi biza ni abakene akaba ariyo mpamvu badafite aho kurara bari kwitabaza abaturanyi,abandi bakarara hanze.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Danny Vumbi n’abandi bagiraneza basuye Ndahimana wasezeranye yambaye...

Umuhanzi Danny Vumbi arikumwe n’abagiraneza batandukanye barimo umunyamakuru...
15 April 2019 Yasuwe: 4732 3

Umuhanuzi bivugwa ko ari Umunyarwanda wakoreraga I Burundi yirukanwe...

Umuhanuzi witwa Kayihura Modesste wari uzwi ku izina rya “Prophète...
15 April 2019 Yasuwe: 4644 0

Robot ifite ubwenge buhambaye ku isi izitabira inama ya Transform Africa mu...

Imashini (robot) yitwa Sophia, ifite ubuhanga budasanzwe bwo kuvugana...
15 April 2019 Yasuwe: 2899 0

Perezida Kagame yibukije ikintu gikomeye abakomeje guhakana Jenoside...

Nyakubahwa perezida Paul Kagame yabwiye abayoboke b’itorero rya Saddleback...
15 April 2019 Yasuwe: 1625 0

Nyarugenge: Umusore yatawe muri yombi azira kuvuga amagambo yuzuye...

Umusore w’imyaka 35 yatawe muri yombi na RIB i Nyamirambo mu Murenge wa...
15 April 2019 Yasuwe: 2539 0

Kiliziya Gatolika yasabye imbabazi abakomerekejwe n’inyandiko iherutse...

Kiliziya Gatolika yanditse ibaruwa isaba imbabazi Abanyarwanda bose...
14 April 2019 Yasuwe: 1853 0