Rutsiro: Batatu bafatanywe ibintu bitemewe n’amategeko birimo amabuye y’agaciro ya forode

Amakuru   Yanditswe na: Iyamuremye Janvier 25 July 2017 Yasuwe: 193

Ku itariki 23 z’uku kwezi, Polisi y’u Rwanda mu karere ka Rutsiro yafatanye abagabo batatu ibintu bitemewe n’amategeko birimo amabuye y’agaciro ya forode, amasashe ya pulasitiki, n’inzoga zitujuje ubuziranenge.

Umuvugizi wa Polisi y’u Rwanda mu Ntara y’i Burengerazuba, Chief Inspector of Police (CIP) Theobald Kanamugire yavuze ko uwitwa Bikorimana yafatanwe ibiro 181 by’amabuye y’agaciro ya Gasegereti na Koluta, Ntawiringirabubu Anastase afatanwa litiro 600 z’inzoga yitwa Igikwangari (itujuje ubuziranenge); naho Kanyabikari Athanase afatanwa amasashe ya pulasitiki 2,800 .

CIP Kanamugire yavuze ko aba batatu Polisi yabafatiye mu bikorwa yakoze mu kagari ka Remera, mu murenge wa Rusebeya byari bigamije gufata abakora ibinyuranije n’amategeko.

Yavuze ko ayo mabuye y’agaciro ari forode kubera ko uwayafatanwe atagaragaje ibyangombwa birimo ikimwemerera kuyagura no kuyacuruza n’impapuro zabugenewe ziyaherekeje zigaragaza uko yakurikiranwe n’uburyo yarinzwe; kandi usibye n’ibyo ko ayo mabuye y’agaciro atari afunze n’ubujeni.

Yibukije ko nta muntu wemerewe kugura cyangwa gucuruza amabuye y’agaciro atanditse mu bitabo by’ubucuruzi nk’uko biteganywa n’ingingo ya 10 y’Amabwiriza ya Minisitiri w’Umutungo Kamere No 002/2012/MINIRENA yo ku wa 28/03/2012 agena uburyo bw’iyubahirizwa ry’ubuziranenge bw’amabuye y’agaciro mu karere.

Ku bijyanye n’amasashe ya pulasitiki, CIP Kamanugire yongeye kwibutsa ko kuyinjiza mu gihugu no kuyakoresha bitemewe mu Rwanda guhera mu mwaka wa 2008.

Yagize ati,"Amasashe ya pulasitiki agira ingaruka mbi ku bidukikije. Abantu bakwiye kureka kuyinjiza mu gihugu, kuyacuruza no kuyakoresha mu buryo bumwe cyangwa ubundi."

Yakomeje ubutumwa bwe agira ati,"Forode y’amabuye y’agaciro igira ingaruka ku iterambere ry’igihugu. Abakora imirimo y’ubucukuzi bwayo, abayagura n’abayacuruza bakwiye kubahiriza amategeko n’amabwiriza abigenga."

Umuvugizi wa Polisi y’u Rwanda mu Ntara y’i Burengerazuba yavuze ko izo litiro 500 z’Ibikwangari zangijwe zikimara gufatwa ; kandi ko abaturage bitabiriye icyo gikorwa babwiwe ingaruka zo kunywa iyo nzoga; banasabwa kwirinda no kureka kwenga, kunywa no gucuruza inzoga zose zibuzanijwe.

Yashimye abatanze amakuru yatumye aba batatu bafatwa; kandi asaba abatuye iyi Ntara muri rusange kwirinda ibyaha aho biva bikagera no gutangira ku gihe amakuru atuma bukumirwa no gufata ababikoze.

CIP Kamanugire yavuze ko Bikorimana afungiwe kuri Sitasiyo ya Polisi ya Gihango; ndetse n’amabuye y’agaciro yafatanwe akaba ari ho abitswe; naho Ntawiringirabubu na Kanyabikari bakaba baraciwe ihazabu nk’uko biteganywa n’amategeko.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 801 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1518 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2373 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3122 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4735 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2991 0