Seyoboka yanze umwunganira mu mategeko yahawe ngo ashaka kwishyurirwa na Leta uwo yifuza

Amakuru   Yanditswe na: 6 January 2017 Yasuwe: 895

Sous Lieutenant Seyoboka Henry Jean Claude ukurikiranyweho kugira uruhare muri Jenoside yakorewe Abatutsi, yanze umwunganira mu mategeko witwa Me Uwimana Channy.

Uyu mwunganizi yari yamuhawe n’Urugaga rw’abunganira abantu mu mategeko, nyuma yo kugaragariza urukiko ko atabasha kwishyura umwunganira kuko atishoboye.

Muri uru rubanza ruri kubera mu Rukiko rw’ibanze rwa Gisirikare i Nyamirambo, Seyoboka yavuze ko yifuza gukomezanya na Me Nkundabatware Albert bari batangiranye urubanza akishyurwa na Leta.

Seyoboka yavuze kandi ko abyemererwa n’amategeko kwishyurirwa na Leta umwunganira yifuza, ashingiye ku masezerano avuga ko u Rwanda rwagiranye na Canada cyamwohereje kuburanira mu Rwanda.

Ubushinjacyaha bwatangaje ko Seyoboka ari gutinza urubanza, nta burenganzira afite bwo kwanga umwunganira agenerwa n’urugaga, mu gihe avuga ko atishoboye.

Uhagarariye ubushinjacyaha yagize ati” Amategeko avuga ko iyo umuntu yavuze ko adafite ubushobozi bwo kwishyura umwunganira mu mategeko, Urugaga rw’abunganira abantu mu mategeko rumugenera umwunganira ku buntu.

Ibyo Seyoboka avuga byo kwishyurirwa na Leta umwunganizi ntibishoboka, kuko Leta ntiyishyurira umwunganizi uwoherejwe kuburanira mu Rwanda, ahubwo yishyurira umwunganizi uwo urukiko rwo hanze rwaburanishije, rugafata umwanzuro wo kumwohereza mu Rwanda ngo akomeze kuhaburanira.”

Nyuma yo kumva impande zombi urubanza rwanzuye ko urubanza rusubikwa, Seyoboka agakusanya ibimenyetso avuga ko bimwemerera kuzishyurirwa na Leta umwunganizi akazabishyikiriza urukiko, urubanza rukazasubukurwa tariki ya 27 Mutarama 2017.

Seyoboka yoherejwe na Canada agezwa mu Rwanda tariki 17 Ugushyingo 2016.
Yaje kuburana ku byaha bitatu birimo icya Jenoside, icyo kurimbura imbaga, n’icyaha cyo kwica nk’icyaha kibasiye inyokomuntu.

Src:KT

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uko Isi yiriwe tariki 25 Gicurasi 2018 [AMAFOTO]

Inshamake y’ uko isi yiriwe kuri uyu wa 25 Gicurasi 2018 harimo uko Perezida...
25 May 2018 Yasuwe: 1821 0

Gicumbi: Meya n’ abari bamwungirije begurijwe rimwe kubera amakosa...

Inama njyanama idasanzwe y’Akarere ka Gicumbi yeguje MUDAHERANWA Juvenal...
25 May 2018 Yasuwe: 1180 0

Ubukungu bwose Afurika ikeneye ngo dutere imbere turabufite – Min....

Minisitiri w’Umuco na Siporo Uwacu Julienne asanga abanyafurika batakwiye...
24 May 2018 Yasuwe: 388 0

Uko isi yiriwe tariki 22 Gicurasi 2018 [AMAFOTO]

Mu nshamake y’ uko Isi yiriwe tariki 22 Gicurasi harimo ko Diane Rwigara na...
22 May 2018 Yasuwe: 2818 0

Ngoma: Abageni bategereje ubasezeranya bubiriraho

Abasore babiri n’ abakobwa babiri bagiye gusezeranira imbere y’amategeko mu...
21 May 2018 Yasuwe: 1713 0

Kayonza: Umukozi wa SACCO ya Murundi arakekwaho kurigisa arenga 55 000 000...

Polisi y’u Rwanda ifatanyije n’Urwego rw’Igihugu rw’Ubugenzacyaha mu karere ka...
20 May 2018 Yasuwe: 1009 0