TAS2019: Perezida Kagame yasabye Afurika kubyaza umusaruro umurongo mugari wa interineti

Amakuru   Yanditswe na: Dusingizimana Remy 15 May 2019 Yasuwe: 1080

Nyakubahwa Perezida wa Repubulika,Paul Kagame,yavuze ko Abatuye Afurika bakwiriye kubyaza amahirwe umurongo mugari wa Interineti mu kwiteza imbere aho kuwukoresha mu kwakira ibitekerezo by’abandi gusa.

Ubwo yari mu nama ya Transform Africa 2019,perezida wa Repubulika,Paul Kagame,yasabye abatuye Afurika kudakoresha umurongo mugari wa Internet mu kwakira ibitekerezo by’abandi gusa ahubwo bakwiriye kuwukoresha bahanga ibyabo ndetse bakabisangiza isi yose.

Yagize ati “Ikoranabuhanga rihuza isi mu buryo butigeze bubaho. Ibi byatumye kugera ku bumenyi butandukanye byegerezwa benshi ku kigero kingana. Reka rero twe kuba ingunguru zirimo ubusa, ngo dukoreshe umurongo mugari wa interineti mu kwakira ibitekerezo by’abandi gusa.

Turimo abahanga ibishya n’abafite ibitekerezo bizima benshi. Dufite kandi byinshi twasangiza Isi. Natwe dufite inkuru nyinshi twabarira abandi.”

Nyakubahwa Perezida Paul Kagame wari kumwe na bagenzi be barimo Uhuru Kenyatta wa Kenya na Ibrahim Boubacar Keita wa Mali,ku munsi wa kabiri wa Transform Africa,yavuze ko isoko rusange rya Africa ryatangiye gushyirwa mu bikorwa ariyo mpamvu Africa igomba kurushaho wihutisha iterambere rishingiye ku ikoranabuhanga.

Yagize ati “Turi mu bihe by’ubukungu bushingiye ku ikoranabuhanga. Ntabwo dukwiriye gusigara inyuma. Ese Afurika yiteguye kugira uruhare muri izi mpinduka? Aha niho ipfundo riri. Impinduka mu bukungu n’uburumbuke zisaba kuba tumaze kumenya neza gukoresha ikoranabuhanga. Iki nicyo gihe cyo kubaka ibikorwaremezo nkenerwa n’ubumenyi bwa ngombwa muri Afurika.

Isoko rimwe rya Afurika ubu riri mu ishyirwa mu bikorwa. Tugomba gukomeza gushyira gahunda z’iterambere n’ikoranabuhanga bya Afurika muri uwo murongo.”

Nyakubahwa perezida wa Repubulika yavuze ko hari abahora bashaka gutandukanya Afurika ariko yashobora kurinda inyungu z’abaturage no kongera isoko ryayo binyuze mu kwishyira hamwe n’ubuhahirane.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nsabimana Callixte ‘Sankara’ wigambye ibitero byo muri Nyungwe yeretswe...

Mu gitondo cyo kuri uyu wa Gatanu Taliki ya 17 Gicurasi 2019,nibwo...
17 May 2019 Yasuwe: 7122 2

MINEDUC yafatiye ibyemezo ikibazo cy’abana bajya gushaka ishuri mu bihugu...

Mu rwego rwo gukumira burundu ikibazo cy’abana bambuka umupaka bakajya...
17 May 2019 Yasuwe: 1710 2

U Rwanda rwaje ku mwanya wa 2 nk’ahantu habereye kwakira inama zikomeye muri...

Ishyirahamwe Mpuzamahanga rishinzwe ibyo gutegura Inama zikomeye (ICCA)...
16 May 2019 Yasuwe: 2208 2

Kigali: Umugabo yatashye yasinze agwira umwana we w’uruhinja...

Umugabo utuye mu mudugudu wa Kabuye,Akagari ka Kagunga, mu murenge wa...
16 May 2019 Yasuwe: 3506 0

Menya byinshi ku Cyogajuru cya mbere cyakozwe n’abanyarwanda cyamuritswe mu...

Rwasat-1 ni icyogajuru cya mbere gikozwe bigizwemo uruhare n’abanyarwanda...
15 May 2019 Yasuwe: 1919 1

Robot yitwa Sophia yatangaje benshi kubera imbwirwaruhame yatanze muri...

Imashini kabuhariwe ifite ubwenge budasanzwe yitwa “Sophia”,yashimishije...
15 May 2019 Yasuwe: 3207 0