skol
startimes

Tito Rutaremara yavuze ko FPR atari abamalayika

Amakuru   Yanditswe na: Martin Munezero 7 September 2020 Yasuwe: 2709

Umuyobozi w’Urubuga Ngishwanama rw’Inararibonye z’u Rwanda, Tito Rutaremara, umwe mu bashinze umuryango FPR Inkotanyi, akaba yaranagiye akora imirimo inyuranye muri Leta y’u Rwanda, avuga ko abanyamuryango ba FPR Inkotanyi bose atari abamalayika.


Ibi Tito Rutaremara w’imyaka 76 y’amavuko yabitangaje mu kiganiro cyihariye yagiranye n’ikinyamakuru Ukwezi dukesha iyi nkuru. Ibi yabivuze asubiza ku bijyanye n’abantu bamwe bikunze kuvugwa ko batatira amahame ya FPR Inkotanyi, yemeza ko mu muryango harimo ibigoryi ariko ngo abazima kaba aribo benshi, ari nayo mpamvu ikomeza gutera imbere.

Yayanze urugero nko kubiheruka kuvugwa na Bamporiki Edouard. Tito Rutaremara ati:

Ariko RPF ntugirengo ni abamalayika, ni abantu. Kandi babaye benshi, twagiye dukura… Ntabwo turi abamalayika, harimo abazima harimo n’abatari abazima, igituma ikinakora ni uko abazima ari bo benshi ariko ntiburamo ibigoryi birimo, none se abo nagendaga nkubwira [aha yavugaga Kayumba Nyamwasa, Rudasingwa na Gahima bahoze muri FPR]… Nka Gahima yari muri RPF rwose tunayitangira, Theogene [Rudasingwa] we ntabwo yari ayirimo ndetse na Kayumba abo ni abaje nyuma ku rugamba, burya abo Perezida aba abwira ni nk’abongabo.

Yakomeje agira ati :

Iyo havuyemo umwe hinjira icumi, turi benshi kuruta uko twari turi mbere kandi icyo gihe twari dufite ibikorwa bimwe, bigendera hamwe turi ku rugamba ari rwo tugiye kubonezaho. Ubu rero turi ku bintu byinshi bigiye bikora, RPF kandi irafunguye abantu bose barinjira, hari uwinjiramo ari opportunist (atagenzwa na kamwe) afite icyamuzanye kitari wenda icya RPF, kandi RPF si Imana ngo irebe mu mitima y’abantu, uwinjiye wese iramwakira.

Kandi RPF nk’umuryango burya ntabwo ijya yirukana abantu ngo ibakuremo. Uba aho, bakakugumishamo noneho bakakugorora urimo, ni wowe wijyana. Kuko RPF ni umuryango, umuryango burya ntabwo wicara uti kanaka, uyu mukobwa ni indaya reka tumwirukane. Oya ! Ahubwo mugerageza kumuvura yazananirwa kuko abona bamutunga agatoki akaba ari we witwara.

Muri icyo kiganiro yagiranye n’Ukwezi, yagarutse ku bahunze barwanya byeruye ubutegetsi bw’u Rwanda barimo Kayumba Nyamwasa, Gahima na Rudasingwa. Yasobanuye uko bavuye muri FPR, ndetse anashimangira ko ubu batandukanye batagishyize hamwe kuko ari ibisambo bitatu bidashobora guhuza ngo bikunde.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bugesera:Gitifu yahishuye ko mu bariye imbwa ntawe bazi zaguye...

Mu mudugudu wa Heru, Akagari ka Nyakayenzi mu Murenge wa Ngeruka mu Karere...
23 September 2020 Yasuwe: 1008 0

Musanze:Salongo yahurije hamwe abagore be 8 abaha impano z’uko bamwakiriye...

Umunyamakuru wa BBC dukesha iyi nkuru yasanze iwe abagore be bahahuriye,...
21 September 2020 Yasuwe: 7757 0

Umupfumu Rutangarwamaboko asanga abishe inyamaswa yitiranyijwe n’ingwe mu...

Umupfumu Rutangarwamaboko asanga abishe inyamaswa yitiranyijwe n’ingwe mu...
13 September 2020 Yasuwe: 6051 0

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3826 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2616 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5379 0