Tony Alexander Adams wakiniye ikipe ya Arsenal imyaka 19 akaba na Kapiteni wayo imyaka 14 yashimiye cyane wa musore w’imyaka 23 wakoze umuhanda wenyine[AMAFOTO]

Amakuru   Yanditswe na: Martin Munezero 8 September 2019 Yasuwe: 3653

Tony Alexander Adams wakiniye ikipe ya Arsenal yo mu Bwongereza imyaka 19 akaba na Kapiteni wayo imyaka 14, yashimiye cyane Niringiyimana Emmanuel w’imyaka 23 ukomoka mu karere ka Karongi igikorwa wakoze umuhanda wa 7 km wenyine i Karongi.

Nyuma yo kwita abana b’ingagi izina mu birori byabereye mu Kinigi, Tony Adams abinyujije ku rubuga rwa Instagram yashimiye kuba yaritabiriye uyu muhango, by’umwihariko agaruka kuri Niringiyimana avuga ko yakoze igikorwa kidasanzwe.

“Uyu musore ntasanzwe, ubwe yakoze umuhanda ufite ibilometero birindwi akoresheje isuka mu gace atuyemo ageza ku muhanda mugari kubera ko bari bawukeneye, ni umusore w’umuhanga kandi witonda.”

Tony Adams w’imyaka 52 yakiniye Arsenal yo mu Bwongereza imyaka 19 hagati ya 1983 na 2002 aba na kapiteni wayo imyaka 14. Mu myaka 22 yamaze muri Arsenal FC yatwaye ibikombe 13 maze yubakirwa ikibumbano hanze ya Emirates Stadium.

Niringiyimana Emmanuel w’imyaka 23 yamamaye cyane biciye mu nkuru ya TV1 ivuga ko uyu musore we kugiti cye yabashije gukora igikorwa kidasanzwe cyo gukora umuhanda ureshya na kilometero zirindwi wenyine mu Karere ka Karongi aho akomoka,

Ni ibintu byishimiwe na benshi batangira kubikwirakwiza ku mbuga nkoranyambaga , byanatumye abantu banyuranye barimo n’abayobozi ku mbuga nkoranyambaga bagaragaza ko banyuzwe n’ubutwari bukomeye bw’uyu musore, hari n’abamusabiraga ko akwiye kugororerwa.

Niringiyimana Emmanuel yavuze ko uwo muhanda yamaze imyaka itatu awukora aho ngo abamubonaga bamufataga nk’ufite ikibazo cyo mu mutwe.


Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Akarere ka Gatsibo karishye ihene z’abaturage 22 ziherutse kwicwa n’urukingo...

Akarere ka Gatsibo kakoze igikorwa cyiza cyo gushumbusha abaturage ba...
18 September 2019 Yasuwe: 450 0

Isoko rya Mimuli ryasenywe n’imvura nyinshi idasanzwe

Isoko rya Mimuli riherereye mu karere ka Nyagatare, Umurenge wa Mimuli,...
18 September 2019 Yasuwe: 918 0

Rusizi: Umwarimu yakubise umunyeshuli amuvuna ukuboko amuziza gutsindwa...

Umunyeshuli witwa Kwizera Patrick wigaga mu mwaka wa mbere w’amashuri...
18 September 2019 Yasuwe: 1559 0

RAB yabuze ibisobanuro imbere ya PAC ku isoko yatubuye rikava kuri...

Abadepite bagize Komisiyo Ishinzwe Kugenzura Imikoreshereze y’Imari...
17 September 2019 Yasuwe: 1522 3

Urubanza rwa wa muyobozi wa Goodrich TV uherutse gukubita umukobwa...

Urukiko rw’ibanze rwa Nyamirambo rwasubitse gusoma urubanza ku ifunga...
17 September 2019 Yasuwe: 3159 0

Umuyobozi wa Cholare Abarinzi uherutse gupfira mu mpanuka yashyinguwe

Uwari muyobozi wa Korali Abarinzi ya ADEPR Gasave, Mushimiyimana...
17 September 2019 Yasuwe: 4483 0