U Rwanda na Malawi barimo kwiga ku ngingo yo kohererezanya abakekwaho ibyaha

Amakuru   Yanditswe na: Nsanzimana Ernest 3 October 2017 Yasuwe: 680

Guverinoma y’ u Rwanda n’ iya Malawi bari mu biganiro biganisha ku gusinya amasezerano yo kohererezanya abakekwaho cyangwa abakoze ibyaha.

Ibi biganiro bigirwamo uruhare n’ abayobozi b’ amagereza muri ibi bihugu byombi nk’ uko umuyobozi w’ urwego rushinzwe imfungwa n’ amagereza mu Rwanda, Commissioner General of Prisons, George Rwigamba yabitangarije KT Press.

Rwigamba yatangaje ko uburyo guhererekanya abakoze ibyaha byamaze kuganirwaho. Ngo aya masezerano namara gushyirwaho umukono n’ ibihugu byombi, Umunyamalawi wakoreye icyaha mu Rwanda azaba ashobora kubunishwa n’ inkiko zo mu Rwanda zikanamukatira cyangwa u Rwanda rukamwohereza muri Malawi, n’ Umunyarwanda wakoreye icyaha muri Malawi bikaba uko.

Aya masezerano afitemo ingingo ivuga ko Umunyarwanda wakatiwe n’ inkiko z’ u Rwanda ashobora kujya gukomereza igifungo cye muri Malawi, n’ Umunyamalawi bikaba uko.

Malawi icumbikiye impunzi z’ Abanyarwanda zirenga ibihumbi 5, zirimo abakekwaho uruhare muri jenoside yakorewe abatutsi mu 1994.

Ikambi y’ impunzi Dzaleka yo mu gihugu cya Malawi irimo Abanyarwanda ibihumbi 5. Ubushinjacyaha bw’ u Rwanda bwigeze gutangaza ko nibura abajenosideri 36 bihishe muri Malawi.

U Rwanda na Malawi muri Gashyantare 2017, basinyanye amasezerano y’ ubufatanye bw’ amagereza y’ ibihumbi byombi.

Muri 2016, nibwo Malawi yataye muri yombi Vincent Murekezi wakatiwe n’ inkiko Gacaca kubera uruhare muri jenoside yakorewe abatutsi.

Vincent Murekezi avuga ko amasezerano yo yo muri Gashyantare 2017 adashobora gushingirwaho yoherezwa mu Rwanda. Uyu Murekezi kandi yakatiwe imyaka itanu y’ igifungo azira kunyereza imisoro.

Iyi nkambi y’ impunzi ya Dzaleka ibamo Abanyarwanda ibihumbo 5000

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bugesera: Bamwe mu basigajwe inyuma n’amateka bakura inzugi ku nzu zabo...

Umudugudu wa Sumbure uherereye mu kagari ka kanazi,umurenge wa Nyamata ho...
19 September 2018 Yasuwe: 329 0

Mukabalisa yongeye kuba Perezida w’ Umutwe wa Abadepite

Mukabalisa Donatille wari usanzwe ayobora Inteko Ishinga Amategeko, Umutwe...
19 September 2018 Yasuwe: 1027 0

Perezida Kagame yakiriye indahiro z’abagize Inteko ishinga Amategeko(...

Abadepite 80 baherutse gutorerwa kwinjira mu Nteko Ishinga Amategeko y’u...
19 September 2018 Yasuwe: 1194 0

Uturere 2 twa Kigali tumaze gukurwamo imibiri ibihumbi 18 abasenyewe amazu...

Mu mezi atatu ashize ibyobo byatawemo abishwe muri Jenoside yakorewe...
18 September 2018 Yasuwe: 1285 0

Uwahoze muri polisi y’ u Rwanda, urugo rwe rwatahuwemo imbunda n’...

Kabarisa Evariste wahoze ari umupolisi urugo rwe ruherereye mu kagari...
18 September 2018 Yasuwe: 4802 0

Umunyarwandakazi waharaniye inyungu z’ abarokotse Jenoside yitabye...

Umunyarwandakazi Mukankusi Christine wagize uruhare mu bikorwa bya diaspora...
18 September 2018 Yasuwe: 1607 0