startimes

U Rwanda na Uganda bafashe ingamba zirindwi zikomeye zirimo ko Abanyarwanda bafunzwe binyuranyije n’amategeko bagiye kurekurwa

Amakuru   Yanditswe na: Dusingizimana Remy 16 September 2019 Yasuwe: 6882

Abahagarariye Leta y’u Rwanda na Uganda bateraniye i Kigali uyu munsi taliki ya 16 Nzeri 2019 biga ku ishyirwa mu bikorwa ry’amasezerano aherutse gusinyirwa muri Angola,aho mu ngingo zirindwi bemeranyijeho harimo ko impande zombi zihagarika ’propaganda mbi’ mu itangazamakuru n’imbuga nkoranyambaga na Uganda yemera kurekura Abanyarwanda bafunzwe binyuranyije n’amategeko.



Intumwa za Uganda zari ziyobowe na minisitiri Sam Kutesa zemeye ko Uganda izagenzura urutonde rw’abantu bagera kuri 200 bahawe n’u Rwanda bafungiye muri Uganda.

Ingingo ya mbere u Rwanda rwasabye Uganda kurekura Abanyarwanda bafungiwe ku butaka bwayo mu buryo budakurikije amategeko.

Uruhande rwa Uganda ruvuga ko ruzagenzura iby’abo bantu, abafunze nta bimenyetso by’ibyaha bakarekurwa, abafite ibyo bashinjwa bakagezwa imbere y’ubutabera.

Ingingo ya Gatatu gatatu ni uko ibihugu byombi byemeranyije kurwanya ibikorwa bigamije guhungabanya umutekano wa kimwe muri byo.

Ingingo ya kane uvuga ko ibihugu byombi byemeranyije kwihutisha amasezerano yo kohererezanya abanyabyaha, hagamijwe ko mu gihe kiri imbere hazajya habaho ubufatanye mu gukurikirana abakora ibyaha mu gihugu kimwe bagahungira mu kindi.

Ingingo ya gatanu (5) y’ibyo izi ntumwa zumvikanyeho ni "guhagarika propaganda isesereza urundi ruhande mu itangazamakuru no ku mbuga nkoranyambaga".

Indi ngingo n’iyo kureka urujya n’uruza rw’ibintu n’abantu bikambuka ku mipaka y’ibihugu byombi n’abaturage b’ibihugu byombi bakongera bagahahirana gusa iyi nama yanzuye ko iyi ngingo izarebwaho nanone mu yindi nama nk’iyi.

Muri iki gihe ibi bihugu bishyamiranye, ibitangazamakuru bibogamiye kuri Leta hamwe n’imbuga nkoranyambaga byarifashishijwe mu gusebya no kuvuga nabi ubutegetsi cyangwa abategetsi b’urundi.

Undi mwanzuro ni uko ibihugu byombi "byemeranyije guhagarika icengezamatwara iryo ari ryo ryose ribangamiye kimwe muri ibi bihugu, ryaba irinyuzwa mu bitangazamakuru byemewe cyangwa imbuga nkoranyambaga."

Amb. Olivier Nduhungirehe wari uhagarariye intumwa z’u Rwanda yavuze ko nyuma y’iminsi 30 bazongera bagahura bakareba uko buri ruhande ruri gushyira mu ngiro ibyumvikanyweho.

Iyo ngingo ikaba nayo izongera gusuzumirwa mu nama ya kabiri izabera i Kampala mu minsi 30.

Usibye ba minisitiri b’ubutegetsi bw’igihugu b’impande zombi, iyi nama yanitabiriwe n’intumwa za Angola na DR Congo ibihugu biri guhuza impande zombi.

Yitabiriwe kandi na Ambasaderi Joseph Okwet umuyobozi w’urwego rw’iperereza hanze ya Uganda na Maj. Gen. Joseph Nzabamwita umunyamabanga mukuru w’urwego rushinzwe iperereza mu Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sam

    ingingo ya kabiri irihe??

    September 2019

Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4605 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2092 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1635 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1766 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 960 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1587 0