Abahagarariye ibihugu by’Africa muri Kigali barateganya gufatanya n’abanyarwanda gutangiza umuganda mu bihugu bavukamo

Amakuru   Yanditswe na: Nsanzimana Ernest 30 May 2018 Yasuwe: 1004

ifoto y’ urwibutso nyuma y’ umuganda wo ku wa Gatandatu tariki 26 Gicurasi 2018 witabiriwe n’ abambasaderi 15 n’abagize umuryango uharanira kwibohora nyako kwa Africa wasozaga icyumweru cyahariwe ibikorwa byizihizaga umunsi wo kwibohora nyako kwa Africa wabaye taliki 25 gicurasi 2018
Abagize Pan African Movement(PAM) mu Rwanda bagiye gufatanya n’ abahagarariye ibihugu byabo mu Rwanda gutangiza umuganda mu biguhugu byose b’ Afurika ikiciro cya mbere kizatangirana n’ ibihugu 15.

Uyu mwanzuro wavuye ku busabe bw’ abamasaderi 15 bahagariye ibihugu byabo mu Rwanda bitabiriye umuganda rusange wabaye ku wa Gatandatu tariki 26 Gicurasi 2018.

Ni umuganda wabaye mu gihe u Rwanda rwifatanya n’ ibindi bihugu bya Afurika kwizihiza umunsi wo kwibohora kwa Afurika.

George Nkosinati Twala uhagarariye inyungu za Afurika y’ Epfo mu Rwanda akaba anahagarariye abandi bambasaderi, nyuma yo kwifatanya n’ abanyarwanda mu gikorwa cy’ umuganda yasabye ko iki gikorwa u Rwanda rwafasha ibihugu bya Afurika kugitangiza.

Shyaka Michel umwe mu bagize Komisiyo ya PAM y’ ubukungu n’ ubucuruzi akaba no muri Komisiyo ishinzwe ubukangurambaga yatangarije UMURYANGO ko ubusabe bw’ abambasaderi bo muri Afurika babasabye kujya gutangiza umuganda mu bihugu byabo babwakiriye ndetse ko hari icyo bateganya kubikoraho.

Yagize ati “Kubera umusemburo mwiza tugiye kubiganiraho hamwe n’ubuyobozi bukuru bwa Pan Africa movement Rwanda turebe icyakorwa, kugira ngo tubigishe uko twishamo ibisubizo, u Rwanda isuku n’ imiyoborere myiza tubihagazeho cyane”.”.

Ouattara Lamine, Umunya- Cote d’ Ivoire uhagarariye abacuruzi bo muri Cote d’ Ivoire umaze igihe kirenga ukwezi ari mu Rwanda yabwiye UMURYANGO ko muri iyi minsi amaze mu Rwanda ubutegetsi bwiza bwa Perezida Kagame n’ uburyo yashyize igihugu ku murongo byarushijeho kumukundisha Afurika.

Mu byo yavuze yabonye mu Rwanda harimo kuba Kigali ari umujyi usukuye ngo yanabonye umuganda rusange ari igikorwa cyiza u Rwanda rufite kitaba iwabo ngo nasubira iwabo azawutangiza.


Lamine Ouattara

Ati “Umuganda ni igikorwa cy’ agaciro nabonye nzawutangiza ninsubirayo"

Lamine Ouattara yavuze ko nasubira iwabo muri Cote d’ Ivoire azigisha mu gihugu cye ubukangurambaga bugamije ukwibohora kwa Afurika Pan African Movement akanabukora mu bihugu baturanye birimo Nigeria na Burkina Faso.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamagabe: Batsinze ikizamini kibinjiza mu bakozi ba Leta barahamagarwa...

Bamwe mu bakoze ibizamini byo kwigisha mu mashuri abanza mu karere ka...
22 September 2018 Yasuwe: 1162 0

Abakekwaho kugira uruhare mu rupfu rwa Rtd. CSP Gashagaza uherutse...

CSP Gashagaza yitabye Imana mu ijoro rishyira kuri uyu wa Kabiri, kurubu...
20 September 2018 Yasuwe: 4690 0

Bugesera: Bamwe mu basigajwe inyuma n’amateka bakura inzugi ku nzu zabo...

Umudugudu wa Sumbure uherereye mu kagari ka kanazi,umurenge wa Nyamata ho...
19 September 2018 Yasuwe: 338 0

Mukabalisa yongeye kuba Perezida w’ Umutwe wa Abadepite

Mukabalisa Donatille wari usanzwe ayobora Inteko Ishinga Amategeko, Umutwe...
19 September 2018 Yasuwe: 1036 0

Perezida Kagame yakiriye indahiro z’abagize Inteko ishinga Amategeko(...

Abadepite 80 baherutse gutorerwa kwinjira mu Nteko Ishinga Amategeko y’u...
19 September 2018 Yasuwe: 1200 0

Uturere 2 twa Kigali tumaze gukurwamo imibiri ibihumbi 18 abasenyewe amazu...

Mu mezi atatu ashize ibyobo byatawemo abishwe muri Jenoside yakorewe...
18 September 2018 Yasuwe: 1291 0