addresiya
startimes

U Rwanda rushobora guhagarika gahunda yo kugura indege za Boeing 737 Max 8 zimeze nk’iherutse guhitana abantu 157

Amakuru   Yanditswe na: Dusingizimana Remy 13 March 2019 Yasuwe: 1585

Leta y’u Rwanda iratangaza ko itegereje iperereza riri gukorwa n’inzobere mu byerekeye indege ku cyateye impanuka y’indege ya Boeing 737 Max 8 aho bishobora gutuma ifata umwanzuro wo guhagarika kugura indege 2 zo muri ubu bwoko bari baratumije.



Kompanyi y’Indege ya RwandAir yifuzaga kugura indege enye nshyashya zirimo ebyiri zo mu bwoko bwa Boeing 737 Max 8 ariko nyuma y’uko indege yo muri ubu bwoko ya kompanyi ya Ethiopian Airlines ikoreye impanuka ku Cyumweru gishize,babaye bategereje ibizava mu iperereza ry’abahanga mu by’indege.

Umunyamabanga wa Leta muri Minisiteri y’ububanyi n’Amahanga, Amb.Olivier Nduhungirehe yavuze ko u Rwanda rutegereje ibizava mu iperereza riri gukorwa ku cyateye impanuka y’iyi ndege ya Ethiopian Airlines kugira ngo rumenye icyo gukora.

Yagize ati “Abashinzwe ubugenzuzi bari gukurikirana uko ibintu bimeze, hari amaperereza ari gukorwa turakomeza kuyakurikiranira hafi ku cyaba cyarateye iyo mpanuka nyuma tuzafata umwanzuro dushingiye ku kizaba cyavuye muri ayo maperereza.”

Rwandair ikomeje guhihibikanira kwagura ingendo zayo hirya no hino ku Isi, ifite indege 12 zirimo Airbus A330 – 300 imwe, Airbus A330 – 200 imwe, Boeing 737-800NG enye, Bombardier Q-400 Next Gen ebyiri, Bombardier CRJ-900 NextGen ebyiri na Boeing 737-700NG na zo ebyiri.

Ibihugu bikomeye ku isi bikomeje guhagarika indege za Boeing 737 Max 8 mu kirere cyabyo, kubera ko mu mezi atageze kuri 5 zimaze gukora impanuka kabiri.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Moto zitubahirije amabwiriza yo kurwanya Coronavurus zatangiye gupakirwa no...

Mu gitondo cyo kuri uyu wa Gatatu, tariki ya 3 Kamena 2020, ni bwo umunsi...
4 June 2020 Yasuwe: 1871 0

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6885 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2166 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 882 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 21022 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1050 0