startimes

U Rwanda rwashimiye cyane RDC yishe Mudacumura wayoboraga FDLR

Amakuru   Yanditswe na: Dusingizimana Remy 19 September 2019 Yasuwe: 3441

Umunyamabanga wa Leta muri Minisiteri y’Ububanyi n’Amahanga, Amb. Nduhungirehe Olivier,yashimiye leta ya Tshisekedi yishe umuyobozi wa FDLR,Lt Gen Mudacumura Sylvestre ndetse yemeza ko ari intambwe ishimishije itewe mu gukomeza guhashya imitwe yitwaje intwaro ikorera mu Burasirazuba bwa RDC.



Mu ijoro ryo kuwa Kabiri rishyira uwa Gatatu wa taliki ya 18 Nzeri uyu mwaka,nibwo ingabo za FARDC zaguye gituma uyu Mudacumura na bamwe mu bayobozi bafatanyaga kuyobora FDLR babamishaho urusasu birangira uyu Mudacumura ahasize ubuzima ariyo mpamvu u Rwanda rwashimiye RDC kubera ko uyu mutwe yari ayoboye ufite umugambi wo guhungabanya umutekano w’u Rwanda.

Mu kiganiro Amb.Olivier Nduhungirehe yagiranye n’ikinyamakuru IGIHE,yatangaje ko u Rwanda rwishimiye intambwe Repubulika iharanira demokarasi ya Kongo iri gutera mu guhasha iyi mitwe imaze imyaka myinshi ihungabanya umutekano wayo.

Yagize ati "Ni inkuru nziza ku mahoro n’umutekano wa Congo n’akarere. Kuba FARDC yishe Mudacumura, nyuma y’uko yari yaranafashe umuvugizi wa FDLR n’ushinzwe ubutasi ikabohereza mu Rwanda, bigaragaza ubushake bwa Perezida Tshisekedi mu guhashya imitwe y’abajenosideri n’iy’iterabwoba iri mu Burasirazuba bwa Congo.”

Mudacumura w’imyaka 65 yashakishwaga n’urukiko mpuzamahanga mpanabyaha rukorera i La Haye, rwamuregaga ibyaha birimo kugaba ibitero ku basivili, ubwicanyi, kwangiza ibice bimwe by’umubiri ku muntu, gufata ku ngufu, kwangiza imitungo no gusahura.

Amakuru avuga ko ubwo FARDC yagwaga gitumo Gen Mudacumura, yicanwe n’abandi basirikare bari ibyegera bye barimo Col Serge, Col Soso Sixbert, uwari ushinzwe kumurinda akaba n’umunyamabanga we Maj Gaspard n’abandi. Hafashwe mpiri abandi barwanyi 15.


Mudacumura yarashwe ku munsi w’ejo n’ingabo za FARDC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4605 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2094 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1635 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1767 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 961 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1587 0